Кітай сур’ёзна занепакоены захопам ЗША Нікаласа Мадура і яго жонкі і заклікае неадкладна вызваліць іх, заявіў афіцыйны прадстаўнік Міністэрства замежных спраў Кітая Лінь Цзянь, паведамляе Reuters.
Нікалас Мадура з жонкай год таму. Фота: AP Photo / Matias Delacroix
Пекін уважліва сочыць за сітуацыяй у сферы бяспекі і падтрымлівае скліканне тэрміновага пасяджэння Рады бяспекі ААН для абмеркавання ўдараў ЗША па Венесуэле, паведаміў ён.
Па словах Ліня, Кітай выступае супраць умяшання трэціх краін ва ўнутраныя справы дзяржаў Лацінскай Амерыкі, незалежна ад прычын. Кітай падтрымлівае пазітыўныя сувязі і супрацоўніцтва з урадам Венесуэлы, сказаў прадстаўнік кітайскага МЗС.
Каментары