А на Віцебшчыне зарэгістравалі новы населены пункт.
Штогод у краіне публікуецца бюлетэнь «Змяненні назваў геаграфічных аб’ектаў Рэспублікі Беларусь». Адзін з раздзелаў прысвечаны аб’ектам, якія спынілі сваё існаванне, піша Myfin.
Згодна з данымі, апублікаванымі на сайце прадпрыемства «Белгеадэзія», у Беларусі ў мінулым годзе былі прыняты рашэнні аб скасаванні:
-
у Гомельскай вобласці: у Чачэрскім раёне — пасёлкаў Аляксееўка, Бязбожнік, Зарэчча і Калініна; у Буда-Кашалёўскім раёне — пасёлка Мігай;
-
у Віцебскай вобласці: у Верхнядзвінскім раёне — вёсак Важаны, Давыдава, Заломы;
-
у Мінскай вобласці: ва Уздзенскім раёне — вёскі Малая Дзешчанка.
Па шэрагу аб’ектаў рашэнні прымаліся ў канцы 2025 года, а ўступілі ў сілу ўжо ў пачатку 2026 года.
Акрамя таго, былі скасаваныя некаторыя сельсаветы. Напрыклад, знік Варноўскі сельсавет (Кармянскі раён) — населеныя пункты перададзены ў Кароцькаўскі сельсавет. Населеныя пункты Арэхаўскага сельсавета (Маларыцкі раён) перададзены ў Алтушскі сельсавет.
Таксама спыніў існаванне чыгуначны прыпыначны пункт Разлогі (Пастаўскі раён).
Пры гэтым у 2025 годзе ў Беларусі быў афіцыйна зарэгістраваны новы населены пункт — хутар Ізумрудны ў Глыбоцкім раёне Віцебскай вобласці.
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?9
Каментары
Няма жыхароў ,нямя справы .