Экс-сьпікер Савету Рэспублікі зьвярнуўся да Сяргея Сідорскага, каб той з 21 верасьня усклаў на сябе абавязкі кіраўніка дзяржавы. Аднак А. Вайтовіч ня верыць, што прэм’ер-міністар прыслухаецца.
14 верасьня Аляксандар Вайтовіч зьвярнуўся да старшыні ўраду Сяргея Сідорскага з адкрытым лістом. У ім ён прапанаваў яму з 21 верасьня часова прыняць абавязкі кіраўніка дзяржавы, паколькі з гэтага дня прэзыдэнцкія паўнамоцтвы Аляксандра Лукашэнкі (2001 году - НН) заканчваюцца. Карэспандэнт «НН» зьвярнуўся па камэнтары да Аляксандра Вайтовіча.
«НН»: Што Вы мелі на мэце зьвяртаючыся да прэм’ер-міністра?
Аляксандар Вайтовіч: Я перасьледаваў некалькі мэтаў. Першае -- грамадзтва мусіць больш шырока ведаць пра ўзурпацыю ўлады рэжымам, другое -- Сяргей Сяргеевіч Сідорскі павінен зразумець, што ён таксама мусіць дзейнічаць паводле закону, што на ім таксама ляжыць велізарная адказнасьць за выкананьне законаў.
«НН»: Наколькі слушна апэляваць да чыноўніка, зацьверджанага нелігітымным, як Вы сьцьвярджаеце, прэзыдэнтам?
АВ: Сытуацыю трэба вырашаць любымі сродкамі. Тым больш варта выкарыстоўваць такія нагоды, як сканчэньне тэрміну паўнамоцтваў прэзыдэнта.
«НН»: Наколькі рэалістычна Вы ацэньваеце тое, што Сідорскі да Вас прыслухаецца?
АВ: «Я ўпэўнены ў Сідорскім на 1%».
А вось як ініцыятыву А. Вайтовіча ацэньвае Аляксандар Мілінкевіч: «Я падтрымліваю такія ініцыятывы, бо ціск на ўладу мусіць аказвацца ўвесь час, тым больш на нелігітымную. А нашая ўлада, ня толькі вярхоўная, але й нават мясцовая, страціла легітымнасьць у 1996 г. пасьля разгону парлямэнту»
-
Гэтых прафесій не заменіць штучны інтэлект. Беларусы могуць лёгка атрымаць такую адукацыю ў Еўропе
-
«Тэму генацыду беларускага народа прыдумалі расіяне і падсунулі гэта ў якасці сцэнарыя для мабілізацыі беларусаў»
-
Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда
Цяпер чытаюць
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім14
Каментары