У гістарычным цэнтры Мінска ў сталіцы можа з’явіцца шэраг пешаходных зон
У выніку рэканструкцыі гістарычнага цэнтра Мінска ў сталіцы можа з’явіцца шэраг пешаходных зон, паведаміў галоўны інжынер КУП «Мінская спадчына» Міхаіл Жых напрэс-канферэнцыі 4 жніўня.
У прыватнасці, паводле яго слоў, стварэнне пешаходных зон прадугледжана на ўчастках вуліц Камсамольскай і Інтэрнацыянальнай. «Гэта работа запланавана на 2012 год, і мы спадзяёмся, што ў 2012 годзе мы яе выканаем», — сказаў Жых.
Ён таксама паведаміў, што вуліца Інтэрнацыянальная ў выніку рэканструкцыі значна зменіцца.
«Адзін з момантаў рэканструкцыі — прыстасаванне будынка па вуліцы Інтэрнацыянальная, 11 пад гасцінічны комплекс (цяпер там знаходзяцца офісныя памяшканні, у тым ліку рэстаран). Гэта абумоўлена тым, што ў канцы XIX — пачатку XX стагоддзя на тэрыторыі сённяшняй Інтэрнацыянальнай вуліцы знаходзілася развітая сетка гасцінічнага сервісу. Там было шмат прыватных маленькіх гатэляў. І цяпер ужо прынята рашэнне аб аднаўленні гэтай сеткі», — паведаміў галоўны інжынер.
Жых выказаў надзею на тое, што да канца 2011 года асноўныя пытанні па рэканструкцыі Інтэрнацыянальнай вуліцы будуць вырашаны.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў15
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары