Рэалізацыя гарэлкі ў Беларусі ў студзені—жніўні 2010 года знізілася на 2,1% у параўнанні з аналагічным леташнім перыядам.
Паводле звестак Белстата, продаж гарэлкі склаў 7 млн. 339,1 тыс. дал, а яе частка ў агульным аб'ёме спажывання алкаголю — 43,6% (у студзені—жніўні 2009 года — 46,8%). Скарачэнне рэалізацыі гарэлкі адзначаецца з кастрычніка 2009 года.
Доля рэалізацыі алкагольнай прадукцыі ў агульным аб'ёме рознічнага тавараабароту ў студзені—жніўні склала 12,3%. На спажывецкім рынку рэалізавана алкагольных напояў і піва на суму 3 трлн. 923,5 млрд. рублёў.
Піва за восем месяцаў года прададзена на 23 млн. 31,8 тыс. дал, што на 23,5% больш, чым за такі ж перыяд 2009 года. Яго частка ў агульным аб'ёме спажывання алкаголю склала 13,7% (у студзені—жніўні 2009 года — 11,6%).
Лікёра-гарэлачных вырабаў рэалізавана на 1 млн. 78,2 тыс. дал (на 29,7% больш), вінаградных він — 1 млн. 917,2 тыс. дал (на 16,6% больш), пладовых він — 11 млн. 532,5 тыс. дал (на 4% больш). Пладовыя віны занялі 30,9% у аб'ёме продажу алкагольнай прадукцыі (у студзені—жніўні 2009 года — 31,1%).
Каньяку і брэндзі прададзена 174,2 тыс. дал (на 23,6% больш), ігрыстых він і шампанскага — 734,3 тыс. дал (на 7,7% больш), слабаалкагольных напояў — 902,1 тыс. дал (на 5,1% менш).
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары