У ініцыятыўную групу прэтэндэнта на пасаду прэзідэнта адЛіберальна-дэмакратычнай партыі (ЛДП) Сяргея Гайдукевіча ўваходзяць 10.483 чалавекі.
«Прадстаўнікі майго штаба ўжо чатыры дні правяраюць звесткі членаў ініцыятыўных груп», — паведаміў палітык у інтэрв’ю БелаПАН.
Прозвішчы членаў ініцыятыўнай групы будуць размешчаныя на партыйным сайце, каб «уся краіна і свет бачылі, якая колькасць людзей падтрымлівае прэтэндэнта ад ЛДП». «Я цяпер з нецярпеннем чакаю, колькі ж людзей увойдзе ў ініцыятыўную групу Аляксандра Лукашэнкі», — дадаў ён.
Гайдукевіч таксама паведаміў, што заява на рэгістрацыю яго ініцыятыўнай групы будзе перададзена ў Цэнтрвыбаркам 24 верасня.
У 2008 годзе з’езд ЛДП вылучыў Гайдукевіча прэтэндэнтам у кандыдаты на пасаду прэзідэнта. Лідар партыі ўжо ўдзельнічаў у прэзідэнцкіх выбарах 2001 і 2006 гадоў, падчас якіх за яго, паводле афіцыйных звестак, прагаласавала 2,48% і 3,5% выбаршчыкаў.
Цяпер чытаюць
«Губазікаўцы схіляюць Калеснікаву да высылкі, але яна не хоча»1
Каментары