4 лістапада ў аўтакатастрофе загінуў Яраслаў Генрыхавіч Міляшкевіч – кандыдат хімічных навук, дацэнт БДТУ, актыўны сябра Таварыства беларускай мовы.
Міляшкевіч Яраслаў Генрыхавіч
(04.01.1939–04.11.2006)
4 лістапада ў аўтакатастрофе загінуў Яраслаў Генрыхавіч Міляшкевіч – кандыдат хімічных навук, дацэнт БДТУ, актыўны сябра Таварыства беларускай мовы.
Спадар Яраслаў нарадзіўся на Лагойшчыне, непадалёку ад Акопаў. Маці ягоная была добра знаёмая зь Янкам Купалам, і сам маленькі Яраслаў ў дзяцінстве бачыў славутага песьняра. Мабыць, і гэтая родная зямля, і прыналежнасьць да старажытнага шляхецкага роду выхавалі ў ім асабістую годнасьць і гонар за Беларусь, мужнасьць і прынцыповасьць у адстойваньні гістарычнай праўды, правоў беларускай мовы і культуры.
Найбольш ярка выявіліся грамадзянскія якасьці спадара Яраслава напрыканцы 80-х гадоў мінулага стагодзьдзя. Яго абіраюць на пасаду старшыні ТБМ Тэхналягічнага ўнівэрсытэту, ён робіцца сябрам Рэспубліканскай тэрміналягічнай камісіі пры Міністэрстве адукацыі, рэцэнзуе шматлікія слоўнікі, піша навуковыя працы ў беларускай навуковай тэрміналёгіі. Акурат у гэтым годзе мусіў выйсьці з друку ягоны расейска-беларускі слоўнік па арганічнай хіміі.
Менавіта спадар Міляшкевіч ініцыяваў стварэньне ў нашай навучальнай установе адмысловага Ўнівэрсытэту беларускай мовы, гісторыі і культуры, у якім цягам 90-х гадоў гуманітарызавалі сваю тэхнічную адукацыю нашыя выкладчыкі і супрацоўнікі. Праз натхненьне і клопат спадара Яраслава паўстала ў БДТУ так званая "Заля Дваццаці" – партрэтная галерэя найбольш славутых беларускіх навукоўцаў, разьмешчаная ў зале паседжаньняў вучонай рады.
Уся навуковая, пэдагагічная і грамадзкая чыннасьць Яраслава Міляшкевіча выяўляла ў ім чалавека. Сьвядомага нацыянальнага і дзяржаўнага інтарэсу Беларусі. Хай жа зямля яму будзе пухам!
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»12
Каментары