Улада120120

Лукашэнка прыбыў на інаўгурацыю з Колем. Вуліцы Мінска былі пустыннымі + відэа

Цырымонія была кароткай, Лукашэнка — хворым.

Цырымонія была кароткай, Лукашэнка — хворым.

21 студзеня у Палацы Рэспублікі адбылася інаўгурацыя Аляксандра Лукашэнкі. Тэлетрансляцыя пачалася, а 12.50. ТВ паказвала, як картэж праехаў пустыннымі вуліцамі Мінска. Ніхто не махаў машыне, не вітаў яе.

Аляксандр Лукашэнка выйшаў з прэзідэнцкага лімузіна разам з Колем. Пасля ён, ужо сам адзін, прайшоў у залу Палаца Рэспублікі. Пасля ўносу прэзідэнцкага штандара і кароткага ўступнага слова Лідзіі Ярмошынай — пафарбаванай у бландзінку — Аляксандр Лукашэнка прамовіў словы прысягі.

Ён прагаварыў іх па-беларуску. Голас быў моцна ахрыплы. Імаверна, Лукашэнка прастылы. Загучаў дзяржаўны гімн Беларусі.

У час яго выканання адзіным, хто варушыў вуснамі, быў Уладзімір Макей.

Пасля гэтага слова ўзяў старшыня савета рэспублікі Анатоль Рубінаў. «Вы былі выбраны на гэтую пасаду ў выніку чэсных, дэмакратычных, свабодных выбараў, — пранікнёна сказаў ён. — Ніколі яшчэ Беларусь не развівалася так імкліва, як у гады Вашага прэзідэнцтва».

Пасля Рубінава слова далі мітрапаліту Філарэту. Ён назваў Аляксандра Лукашэнку «досточтімым». Ён сказаў, што з Лукашэнкам звязваюць свае надзеі грамадзяне Беларусі і высока ацаніў ягоныя заслугі як дзяржаўнага лідара.

Акрамя 2500 гасцей з Беларусі — ад Яфрэма Сакалова да Наталлі Пяткевіч — за цырымоніяй уступлення Лукашэнкі ў чарговы прэзідэнцкі тэрмін назіралі замежнікі. Сярод іх былі 32 кіраўнікі замежных афіцыйных прадстаўніцтваў і міжнародных арганізацый.

Разам з тым, шэраг паслоў вядучых краін адмовіліся удзельнічаць у цырымоніі інаўгурацыі Лукашэнкі па палітычных матывах. Сярод іх усе прадстаўнікі краін-удзельніц ЕС, прадстаўнік ЗША і нават пасол Украіны.

Гэта не зашкодзіла Лукашэнку ў сваёй прамове заявіць, што, як ён даведаўся ўчора, што «еўрапейцы ужо не маюць прэтэнзій да нашых выбараў». А таксама зазначыў, што ніякія «Майданы і Плошчы нашаму грамадству не пагражаюць».

Кіраўнік краіны нагадаў, што ў сярэдзіне дзевяностых «свядомыя дэмакраты давялі краіну да ручкі». «Мы не далі разваліць краіну… Дзякуючы нашай палітыцы ў краіне няма алігархаў і беспрацоўя. Мы стараемся працаваць яшчэ лепш», — паведаміў прэзідэнт.

Лукашэнка падзякаваў ураду Сідорскага за праробленую працу, аднак сказаў, што новы час патрабуе новых падыходаў. «Наша стратэгічная мэта — вывесці Беларусь у перадавікі прамысловасці і тэхналогій», — сказаў Лукашэнка.

Пасля кароткай прамовы Лукашэнкі ў Палацы Рэспублікі пачаўся музычны канцэрт. Лукашэнка слухаў яго са сваёй ложы, дзе сядзеў разам з Колем, пахмурны.

Першым выступіў хор з урачыстай, але малазапамінальнай песняй. Эстафету прынялі «Песняры» з класічнай «Жураўлі на Палессе ляцяць». Трэці нумар канцэрту адкрыўся чытаннем верша Караткевіча «На Беларусі Бог жыве». Пасля Караткевіча загучаў «Паланэз» Агінскага, пакладзены на расійскі тэкст.

Каментары120

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Усе навіны →
Усе навіны

Маштабны збой у трох беларускіх банках: з рахункаў знікаюць грошы9

Пад Мінскам машына збіла лася — загінулі два чалавекі, пацярпеў вядомы комік2

У Расіі хлопец на «Лексусе» эфектна вылятаў на набярэжную дзеля прыгожага відэа. Загінуў сам і дзве сяброўкі15

«Вітаем на радзіме». Беларус распавёў пра затрыманне на мяжы за лайк і сапсаваны адпачынак10

У Італіі знайшлі цела 18-гадовай украінскай студэнткі. У дзень смерці ёй адмовілі ў працягу стажыроўкі

Начальнік сувязі 8-й арміі загінуў у выніку ўдару ўкраінскімі ракетамі

Толькі адзін выпускнік здаваў цэнтралізаваны экзамен па гэтым прадмеце3

Наталля Пяткевіч працягвае выгульваць амерыканскі гардэроб16

Кінолаг расказала пра просты тэст на выхаванасць сабакі1

больш чытаных навін
больш лайканых навін

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць