Łukašenka prybyŭ na inaŭhuracyju z Kolem. Vulicy Minska byli pustynnymi + videa
Cyrymonija była karotkaj, Łukašenka — chvorym.
Cyrymonija była karotkaj, Łukašenka — chvorym.
21 studzienia u Pałacy Respubliki adbyłasia inaŭhuracyja Alaksandra Łukašenki. Teletranślacyja pačałasia, a 12.50. TV pakazvała, jak kartež prajechaŭ pustynnymi vulicami Minska. Nichto nie machaŭ mašynie, nie vitaŭ jaje.
Alaksandr Łukašenka vyjšaŭ z prezidenckaha limuzina razam z Kolem. Paśla jon, užo sam adzin, prajšoŭ u zału Pałaca Respubliki. Paśla ŭnosu prezidenckaha štandara i karotkaha ŭstupnaha słova Lidzii Jarmošynaj — pafarbavanaj u błandzinku — Alaksandr Łukašenka pramoviŭ słovy prysiahi.
Jon prahavaryŭ ich
U čas jaho vykanańnia adzinym, chto varušyŭ vusnami, byŭ Uładzimir Makiej.
Paśla hetaha słova ŭziaŭ staršynia savieta respubliki Anatol Rubinaŭ. «Vy byli vybrany na hetuju pasadu ŭ vyniku česnych, demakratyčnych, svabodnych vybaraŭ, — pranikniona skazaŭ jon. — Nikoli jašče Biełaruś nie raźvivałasia tak imkliva, jak u hady Vašaha prezidenctva».
Paśla Rubinava słova dali mitrapalitu Fiłaretu. Jon nazvaŭ Alaksandra Łukašenku «dostočtimym». Jon skazaŭ, što z Łukašenkam źviazvajuć svaje nadziei hramadzianie Biełarusi i vysoka acaniŭ jahonyja zasłuhi jak dziaržaŭnaha lidara.
Akramia 2500 haściej ź Biełarusi — ad Jafrema Sakałova da Natalli Piatkievič — za cyrymonijaj ustupleńnia Łukašenki ŭ čarhovy prezidencki termin nazirali zamiežniki. Siarod ich byli 32 kiraŭniki zamiežnych aficyjnych pradstaŭnictvaŭ i mižnarodnych arhanizacyj.
Razam z tym, šerah pasłoŭ viadučych krain admovilisia udzielničać u cyrymonii inaŭhuracyi Łukašenki pa palityčnych matyvach. Siarod ich usie pradstaŭniki
Heta nie zaškodziła Łukašenku ŭ svajoj pramovie zajavić, što, jak jon daviedaŭsia ŭčora, što «jeŭrapiejcy užo nie majuć pretenzij da našych vybaraŭ». A taksama zaznačyŭ, što nijakija «Majdany i Płoščy našamu hramadstvu nie pahražajuć».
Kiraŭnik krainy nahadaŭ, što ŭ siaredzinie dzievianostych «śviadomyja demakraty daviali krainu da ručki». «My nie dali razvalić krainu… Dziakujučy našaj palitycy ŭ krainie niama aliharchaŭ i biespracoŭja. My starajemsia pracavać jašče lepš», — paviedamiŭ prezident.
Łukašenka padziakavaŭ uradu Sidorskaha za praroblenuju pracu, adnak skazaŭ, što novy čas patrabuje novych padychodaŭ. «Naša stratehičnaja meta — vyvieści Biełaruś u pieradaviki pramysłovaści i technałohij», — skazaŭ Łukašenka.
Paśla karotkaj pramovy Łukašenki ŭ Pałacy Respubliki pačaŭsia muzyčny kancert. Łukašenka słuchaŭ jaho sa svajoj łožy, dzie siadzieŭ razam z Kolem, pachmurny.
Pieršym vystupiŭ chor z uračystaj, ale małazapaminalnaj pieśniaj. Estafietu pryniali «Pieśniary» z kłasičnaj «Žuraŭli na Paleśsie laciać». Treci numar kancertu adkryŭsia čytańniem vierša Karatkieviča «Na Biełarusi Boh žyvie». Paśla Karatkieviča zahučaŭ «Pałanez» Ahinskaha, pakładzieny na rasijski tekst.
Kamientary