Грамадзяне Малдовы выпіваюць больш алкагольных напояў, чым жыхары іншых краін, гаворыцца ў апублікаваным дакладзе Сусветнай арганізацыі аховы здароўя (СААЗ).
Жыхар Малдовы выпівае ў сярэднім 18,22 л алкагольнай прадукцыі ў год, што амаль у тры разы больш, чым сярэдні глабальны паказчык — 6,1 літра алкаголю, якія чалавек ужывае штогод. СААЗ адзначае, што ў бюджэце Малдовы, як і ў Ізраілі, Харватыі і ва Украіне, закладзены адмысловы раздзел па лячэнні ад алкагалізму. 126 краін фармальна праводзяць праграмы лячэння ад злоўжывання алкаголю.
У рэйтынгу краінаў, жыхары якіх п’юць найбольш, таксама фігуруе Чэхія з паказчыкам 16,45 літра алкаголю на чалавека ў год, Венгрыя — 16,27 літра, Расія — 15,76 літра, Украіна — 15,6 літра, Эстонія — 15 57 літра, Андора — 15,48 літра, Румынія — 15,3 літра, Славенія — 15,19 літра, Беларусь — 15,13 літра, Вялікабрытанія — 13,37 літра.
Паводле дадзеных СААЗ, кожны пяты чалавек у Расіі і ў краінах СНД памірае ад ужывання алкаголю.
Усяго ў свеце каля 320 тысяч чалавек ва ўзросце ад 15 да 29 гадоў паміраюць ад ужывання алкаголю, што складае 9% ад колькасці ўсіх смерцяў у гэтай узроставай катэгорыі,гаворыцца ў апублікаваным арганізацыяй дакладзе па глабальнай праблеме ўжывання чалавекам алкагольных напояў.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары