ЕС гатовы пачаць перагаворы з Беларуссю аб спрашчэнні візавага рэжыму і рэадмісіі, паведамілі ў прадстаўніцтве Еўрасаюза ў Мінску.
Савет Еўрасаюза ўпаўнаважыў Еўрапейскую камісію пачаць перагаворы з Беларуссю аб падпісанні пагадненняў аб спрашчэнні выдачы кароткатэрміновых віз і рэадмісіі. Адпаведнае рашэнне было прынята на пасяджэнні Савета па транспарту, тэлекамунікацыях і энергетыцы.
Дакумент нагадвае, што Савет міністраў замежных спраў ЕС у сваіх заключэннях па Беларусі ад 31 студзеня падкрэсліў важнасць спрашчэння міжасобасных кантактаў паміж Беларуссю і Еўрасаюзам.
У сярэдзіне лістапада 2010 года Еўрапейская камісія рэкамендавала Савету ЕС прадаставіць ёй мандат на перагаворы па пагадненнях аб спрашчэнні працэдур афармлення кароткатэрміновых віз і рэадмісіі.
Новая сістэма прадугледжвае больш прадказальную і празрыстую працэдуру атрымання віз. Яе мэта — палепшыць абмен і павялічыць колькасць кантактаў паміж грамадзянамі Беларусі і Еўрапейскага саюза. У той жа час пагадненне аб рэадмісіі павінна забяспечыць прававыя падставы для вяртання грамадзян, якія нелегальна знаходзяцца на тэрыторыі ЕС.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары