У адным з начных клубаў прайшла вечарынка пад назвай «Putin Party. Хачу прэм'ера».
У адным з начных клубаў прайшла вечарынка пад назвай «Putin Party. Хачу прэм'ера».
Відэа lifenews.ru
Фотарэпартаж з «Putin Party»
У ноч на 7 сакавіка ў маскоўскім начным клубе «Рай» прайшла вечарынка пад назвай «Putin Party. Хочу премьера». Афішы і расцяжкі з рэкламай мерапрыемства, прысвечанага 8 сакавіка, з’явіліся на вуліцах расійскай сталіцы за тыдзень. Прэс-служба прэм’ер-міністра Уладзіміра Пуціна адрэагавала на выкарыстанне ў назве вечарыны прозвішча кіраўніка ўрада і паабяцала пракансультавацца з юрыстамі, паведамляюць расійскія СМІ. Але фактычна арганізатарам ніхто не перашкодзіў правесці анансаванае мерапрыемства пад заяўленай назвай. Па іх словах, назву і тэму вечарыны выбралі наведніцы клуба, якім прапанавалі прагаласаваць за лепшага мужчыну. Выбіраць трэба было паміж Брусам Уілісам, Чэ Геварам і Дэвідам Бэкхэмам.
Як выявілася, у тую ноч хацелі прэм’ера каля 1500 чалавек. Былі і замежныя госці.
Удзельнікам вечарыны раздавалі таблічкі з надпісам «Вова, я с тобой», а над сцэнай лунаў транспарант, які сцвярджаў, што «Без Вовы …уево».
Гэта не першы пікантны скандал вакол імя расійскага прэм’ера. Летась шэраг выпускніц Маскоўскага дзяржаўнага універсітэта зняліся напаўаголенымі для скандальнага календара з эратычнымі прызнаннямі на адрас Пуціна. На час «Putin Party» старонкамі гэтага календара ўпрыгожылі інтэр’ер клуба «Рай», а яго мадэлі наведалі вечарыну асабіста.
На прапуцінскі каляндар іншыя студэнткі журфаку МДУ адказалі альтэрнатыўным праектам. У Сеціве з’явіўся новы каляндар, гераіні якога задавал Пуціну нязручныя пытанні.
«Putin Party» расійскія блогеры, зважаючы на фактычнае бяздзеянне ўладаў, назвалі перадвыбарчай акцыяй Пуціна, скіраванай на моладзь.
Ціханоўскі расказаў, што трэба было рабіць у жніўні 2020-га62
Каментары