23 сакавіка Тацяне Севярынец, маці сустаршыні аргкамітэту па стварэньні партыі «Беларуская Хрысьціянская Дэмакратыя» Паўла Севярынца, прыйшоў ліст, адрасаваны яе сыну і падпісаны былым прэзыдэнтам Чэхіі Вацлавам Гавэламі шасьцю сябрамі міжнароднага аб’яднаньня «Грамадзянская Беларусь», у тым ліку яго дырэктарам Янам Румлам. «Яны вельмі прыгожа падпісаліся, рознакаляровымі стрыжнямі, а Вацлаў Гавэл нават намаляваў сэрца пасьля свайго подпісу», — адзначыла Тацяна Севярынец.
«Шаноўны Павел Канстанцінавіч! Мы з надзеяй сачылі за Вашым грамадзянскім пратэстам супраць ходу і вынікаў прэзідэнцкіх выбараў і былі абуранымі сведкамі жорсткіх захадаў супраць Вас з боку міліцыі і КДБ», — гаворыцца ў лісьце.
Палітыкі таксама заяўляюць пра недапушчальнасьць перасьледу палітычных апанэнтаў і парушэньня асноўных дэмакратычных прынцыпаў, недапушчальныя паводзінаў беларускіх уладаў.
«Дазвольце разам з Вамі адзначыць 25 сакавіка важны дзень беларускай дзяржаўнасці і выказаць Вам, прынамсі завочна, сваю грамадзянскую падтрымку і салідарнасць. Мы верым, што Ваша пазіцыя будзе ўзнагароджана сапраўды годным жыццём у Вашай цудоўнай краіне», — падкрэсьлілі аўтары лісту.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары