Адрынулі людзі ад сэрца Бога. Як сьледзтва гэтага, Госпад адняў у народа, за некаторым выключэньнем, розум, мову, пазбавіў духоўнага адзінства, што вызначае людзей як нацыю.
Калі тое, што яшчэ захавалася, аднавіць, рэстаўраваць, наша краіна будзе мець прыбытак ад турызму. У заходніх краінах захоўваць будынкі сярэднявеччча, помнікі дойлідзтва, усё, што зьвязана з гісторыяй. Туды прыемна прыехаць адпачыць. А справа ў тым, што там маральна і духоўна выхаванае грамадзтва, асноўная маса людзей імкнецца жыць хрысьціянскімі каштоўнасьцямі. Мы ж маем усё наадварот. Кругом пануе страх, распуста, у многіх гарадах і вёсках вечарам страшна выйсьці на вуліцу, усё беларускае выгнана за межы Беларусі на 90%. І вось чытаем у прэсе: там і там зруйнавалі рэшткі сядзібы ... ст., будынак ... ст., і г.д.. Але ці збавяць наш народ гэтыя каменьні? Найперш Беларусі патрэбен Хрыстос. Адрынулі людзі ад сэрца Бога. Як сьледзтва гэтага, Госпад адняў у народа, за некаторым выключэньнем, розум, мову, пазбавіў духоўнага адзінства, што вызначае людзей як нацыю.
Ня трэба шкадаваць, што разбураюць дзесьці тое і другое. Ці ня Суд гэта Гасподні за тое, што амаль зь дзесяцімільённага народа адзінкі падтрымалі моладзь, што пайшла на Плошчу? Мне па-чалавечы шкада, што ў турме Казулін, Паша Севярынец, Дзіма Дашкевіч, Артур Фінькевіч і іншыя, каго штрафуюць, звальняюць з працы, вучобы. Браты і сёстры! Бог з вамі і тысячы вашых аднадумцаў салідарныя з вамі, ня падайце духам, верце, што гэткім чынам Бог ачышчае нашу Беларусь для маладога пакаленьня, якое будзе жыць па-хрысьціянску. А тым, хто зараз церпіць за Праўду, за Веру, скажу Словам Пісаньня: «І першыя стануць апошнімі, а апошнія стануць першымі».
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню60
Каментары