McDonald's збіраецца змяніць сістэму прыняцця заказаў у сваіх рэстаранах у Еўропе, паведаміў прэзідэнт кампаніі ў ЕС Стыў Істэрбрук у інтэрв'ю Financial Times.
Паводле Істэрбрука, сістэма заказаў ў McDonalds не мянялася на працягу 30 або 40 гадоў.
Галоўнай мэтай стане максімальнае спрашчэнне працэсу заказу ежы ў рэстаранах. У найбліжэйшай будучыні McDonald's абсталюе свае ўстановы адмысловымі тэрміналамі з тачскрынам, якія дазволяць наведнікам самастойна здзяйсняць заказ без удзелу касіраў.
Побач з тэрміналам будзе ўстаноўлена прылада для аплаты, з дапамогай якой кліенты змогуць аплаціць свой заказ, выкарыстоўваючы банкаўскую карту.
Мяркуецца, што такім чынам сярэдні час, выдаткаваны на прыняцце замовы, скароціцца секунды на чатыры. Для еўрапейскіх рэстаранаў McDonald's, якія абслугоўваюць да 2 млн наведвальнікаў штодня, гэта істотнае змяненне.
Каментары