Не дае спакою інфа пра хакейны матч супраць зборнай «Газпрому», які прайшоў безь Яго ўдзелу. А што калі гэта прошукі варожай выведкі?
Не дае спакою інфа пра хакейны матч супраць зборнай «Газпрому», які прайшоў безь Яго ўдзелу. А што калі гэта прошукі варожай выведкі?
— Што вы ведаеце пра Л., Бонд?
Пытаньне трохі зьбянтэжыла агента 007:
— Ну, гэта дыктатар.У яго хранічныя праблемы з прынцыпам аднаго акна. А яшчэ з расейцамі. Апошнія жадаюць прыбраць да рук ягоны «Газтранс» у абмен на пастаўкі газу.
Шэф выведкі Яе Вялікасьці прамовіста паглядзеў на Бонда:
— Акурат таму Л. можа наважыцца на апошні крок. Прапанаваць Маскве згуляць у хакей. Стаўка: яго «Газтранс» супраць яе «Прамгазу». Хто каго перамагае, той таго і акцыянуе. «Прамгаз» ня зможа адмовіцца: хакей, як і гарэлка, для расейцаў — рэлігія.
— Гэта катастрофа! Уся энэргетыка Эўропы ў руках з клюшкай!
— Так, таму вы зараз жа ляціце ў Маскву.
У Шарамецьева Бонда чакаў маскоўскі рэзыдэнт Мі6... Дакладней, чакала. Прыгожая дзяўчына Брыджыт.
Зранку яны адправіліся ў спартовы палац.
— У мяне квіткі на гэтыя месцы на ўсю зіму. Бонд працягнуў доўгі сьпіс месцаў.
— Нашто так многа, — запытала агент, — і чаму ў розных шэрагах?
— Такім чынам пустыя крэслы складуць на сэктары тэкст прамовы Мілінкевіча падчас уручэньня яму Сахараўскай прэміі.
— Аднак пры такіх умовах ён ніколі ня выйдзе на лёд.
— Што нам і трэба.
Самалёт з Л., які так і не згуляў у хакей, узьняўся ў паветра. Раптам Бонд адчуў пад лапаткамі шклянку гарбаты з духмяным палоніем 110. Яго трымала брытанскі рэзыдэнт.
— Што?! Вы разам з гэтым рэжымам? Вы — брытанская арыстакратка?!
— Так, — драпежна ўсьміхнулася Брыджыт. — Я ёй была, аднак кнігі Чаргінца мяне капітальна перакавалі. Праўда, пра гэта ніхто не дазнаецца... Пі, гад!
Шклянка з радыяактыўнай гарбатай наблізіўся да роту Бонда.
— Пачакайце, якая ж вы патрыётка, калі карыстаецеся радыяцыйнай зброяй без акцызнай маркі?
— А што, хіба ўведзены акцыз на радыяцыйную зброю?
— Натуральна, а таксама на лінзы для вачэй. Калі ўжо патрыётка, дык няхай усё будзе паводле вашых правілаў. Вось вам, дарэчы, марка.
І Бонд прыляпіў да шклянкі міні‑бомбу ў выглядзе акцызнай маркі Рэспублікі Беларусі.
Як перадалі зранку навіны, у маскоўскім раёне Чаромушкі знойдзены труп. Міліцыя лічыць, што ён належаў скінхэду. Прапрацоўваецца вэрсія, што малады экстрэміст падарваўся на бомбе, якую рыхтаваў супраць каўкаскіх гандляроў абрыкосамі.
Бонд слухаў навіны ўжо ў самалёце.
Раптам запілікала мабілка. Гэта быў М.
— Што вы ведаеце пра Касьцяна, Бонд?
Цяпер чытаюць
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»3
Каментары