Выхадцы з Беларусі ў Ізраілі пратэстуюць супраць рэпрэсій і галечы ў Беларусі
Сёння маладыя ізраільцяне, выхадцы з Беларусі, правялі акцыю «DA Памога!» ля пасольства нашай краіны.
Першапачаткова заяўлялася, што перфоманс накіраваны супраць палітыкі кіраўніцтва Беларусі, якая прывяла да дэфолту і збяднення велізарных мас насельніцтва.
Акрамя плакатаў і агульнага выказвання абурэння актывісты хацелі перадаць дыпламатам сімвалічны набор рэчаў, якія, паводле задумы арганізатараў, пасольства павіннае было перадаць у Беларусь у якасці гуманітарнай дапамогі.
Аднак дыпламаты цалкам праігнаравалі акцыю, больш за тое, выклікалі паліцыю.
Як расказвае ўдзельнік пікета Яўген Лешчанка, па прыбыцці на месца акцыі афіцэры паліцыі сказалі, што дыпламаты паскардзіліся на дзеянні актывістаў. Маўляў, моладзь закідвае дыппрадстаўніцтва рознымі прадметамі. «Зразумела, гэта не так! Мы ўсяго толькі гучна выказвалі сваю грамадзянскую пазіцыю!» — падзяліўся Яўген. Тым не менш, пераходзіць дарогу на бок самога пасольства ўдзельнікам пікета паліцыя строга забараніла.
Дыпламаты ж пагрэбавалі зносінамі са сваімі суграмадзянамі і абмежаваліся толькі фатаграфаваннем плакатаў з вокнаў.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро11
Каментары