Кіно33

Латушка: Толькі 7% бюджэтных сродкаў, укладзеных у праекты «Беларусьфільма», вяртаюцца дзяржаве

Пра гэта 1 ліпеня журналістам паведаміў міністр культуры Павел Латушка пасля прадстаўлення прэсе і работнікам кінастудыі новага дырэктара Алега Сільвановіча.

«Камерцыйная эфектыўнасць кінастудыі ёсць», зазначыў міністр, але «вяртанне дзяржаўных рэсурсаў складае прыблізна 7%».

«Сёння перад намі стаіць задача павелічэння долі вяртання тых сродкаў, якія ўкладвае дзяржава, ад продажу канкрэтных кінакарцін», — сказаў ён.

Найбліжэйшым часам «рэальна выйсці на 30% вяртання сродкаў, які ўкладвае дзяржава», мяркуе чыноўнік. У будучыні гэта велічыня будзе залежаць ад таго, наколькі запатрабаванай будзе беларуская кінапрадукцыя на ўнутраным і знешнім рынках.

Латушка паведаміў, што да 2014 года плануецца, у прыватнасці, стварыць «канкурэнтнае асяроддзе ў кінасферы Беларусі»,
больш эфектыўна выкарыстоўваць дзяржаўныя сродкі, накіраваныя на падтрымку кінавытворчасці, развіць кінапрадзюсаванне, дзяржаўна-прыватнае партнёрства і прыватны кінапракат, пашырыць пералік падатковых ільготаў, а таксама павялічыць колькасць сумесных міжнародных праектаў.

З пачатку года ў краіне прапрацоўваецца восем кінапраектаў сумесна з расійскімі кампаніямі, два праекты — з кампаніямі Еўрасаюза. Латушка растлумачыў, што беларуска-расійскія праекты ўяўляюць сабой у асноўным тэлесерыялы, якія «паказваюць найбольшую эфектыўнасць з пункта гледжання вяртання ўкладзеных з рэспубліканскага бюджэту сродкаў і сродкаў, якія ўкладваюцца прадзюсерамі».

Супрацоўніцтва з кінасферай ЕС будзе завязана на праектах гістарычнай тэматыкі. «Мы вядзем перамовы адносна тых тэм, якія аб’ядноўваюць нас з пункта гледжання агульнаеўрапейскай гісторыі», — дадаў чыноўнік.

Алег Сільвановіч, які 30 чэрвеня быў зацверджаны кіраўніком дзяржавы на пасадзе генеральнага дырэктара нацыянальнай кінастудыі, раней узначальваў дэпартамент кінематаграфіі Міністэрства культуры.

«Сённяшні і заўтрашні „Беларусьфільм“ не будзе падобны на той, які ў мінулым быў раскрытыкаваны», — сказаў ён, каментуючы пастаўленыя перад ім і кінастудыяй задачы.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Усе навіны →
Усе навіны

Святлана Алексіевіч расказала, якую кнігу выпусціць наступнай. Яна не пра каханне, як планавалася раней23

Лукашэнка расказаў, што карова павінна стаяць у палацы і кожнаму неабходна «хоць па дзве баразёнкі» бульбы пасадзіць20

У Кіеве ўжо каля 100 пацярпелых падчас начнога ўдару1

Ізраіль забіў і новага кіраўніка Генштаба арміі Ірана. Ён займаў пасаду пару дзён7

У Мінску знікла пенсіянерка. Аказалася, што яна па просьбе «следчых» стала кур’ерам махляроў 

Якія банкі гатовы ўзяць у вас не самыя ідэальныя купюры

Што цяпер з архівам КДБ аб рэпрэсіях у БССР, які змаглі здабыць былыя сілавікі? Калі яго апублічаць?51

Беларускі піяніст узяў адразу тры прызы на конкурсе ў Валенсіі

«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі32

больш чытаных навін
больш лайканых навін

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Галоўнае
Усе навіны →

Заўвага:

 

 

 

 

Закрыць Паведаміць