Да Міжнароднага дня чытання Толкіна Warner Bros. падрыхтавала асаблівы анонс.
Рэжысёр «Уладара пярсцёнкаў» Пітэр Джэксан паведаміў, што разам з «асаблівым партнёрам» працуе над наступным фільмам пад працоўнай назвай «Уладар пярсцёнкаў: Цені мінулага».
Гэтым партнёрам аказаўся вядучы вячэрняга шоу Стывен Колбер. Колбер — даўні фанат Толкіна.
У размове з Джэксанам ён распавёў, што сюжэт яго фільма будзе заснаваны на раздзелах «Брацтва пярсцёнка», якія не ўвайшлі ў экранізацыю 2001 года.
«Вы ведаеце, што значаць для мяне гэтыя кнігі і вашы фільмы. Але я пастаянна перачытваў шэсць раздзелаў, якія вы так і не экранізавалі, і падумаў, што гэта магла б быць асобная гісторыя, — сказаў Колбер Джэксану.
У афіцыйным апісанні фільма такі сінопсіс: «Падзеі разгорнуцца праз чатырнаццаць гадоў пасля смерці Фрода, калі Сэм, Мэры і Піпін адправяцца ў невялікае падарожжа, каб паўтарыць частку таго самага паходу. У гэты час дачка Сэма, Элеанора, выявіць старую таямніцу, якая ледзь не пагубіла ўсіх герояў у мінулы раз».
Дата пачатку здымак пакуль невядомая.
Кінатрылогія «Уладар пярсцёнкаў» заснавана на аднайменным рамане Толкіна і складаецца з фільмаў «Уладар пярсцёнкаў: Брацтва Пярсцёнка», «Уладар пярсцёнкаў: Дзве вежы» і «Уладар пярсцёнкаў: Вяртанне караля». Прадзюсарам, сцэнарыстам і рэжысёрам трылогіі выступіў Пітэр Джэксан. Фільмы выходзілі ў 2001‑2003 гадах.
Агулам тры фільмы былі намінаваныя на 30 прэмій «Оскар», з якіх атрымалі 17 узнагарод, што з’яўляецца рэкордам для кінатрылогій. «Вяртанне караля» (найлепшы фільм, найлепшы рэжысёр, сцэнар, музыка і песня) перамагло ва ўсіх катэгорыях, на якія было намінавана; яго «Оскар» за найлепшы фільм многімі быў успрыняты як заслужаная ўзнагарода ўсёй трылогіі.
-
«Праект «Канец свету» з Раянам Гослінгам — чаму гэта сентыментальная фантастыка вам дакладна спадабаецца
-
Паказалі першы тызер новага серыяла пра Гары Потэра ВІДЭА
-
Паглядзелі фільм «Пяшчотна да сябе», зняты па дзіка папулярнай беларускай кнізе — пра зацюканую жанчыну, якую хочуць зрабіць для ўсіх зручнай
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі49
Каментары