Ідэя пабудаваць тут драўляны рыцарскі замак і горад майстроў нарадзілася пасля сумеснай калегіі Міністэрства спорту і Міністэрства культуры.
На старым гарадзішчы Лагойска, які размясціўся ў маляўнічым парку Тышкевічаў, узнікне рыцарскае паселішча. Ідэя пабудаваць тут драўляны рыцарскі замак і горад майстроў нарадзілася пасля сумеснай калегіі Міністэрства спорту і Міністэрства культуры. Праект плануюць рэалізоўваць сумеснымі намаганнямі бізнэсу і мясцовых уладаў.
Аляксандр Варыкіш, дырэктар турфірмы "Краіна замкаў», ужо аднойчы збіраўся пабудаваць бутафорскі рыцарскі замак пад Ракавам. Але нягледзячы на падтрымку мясцовых уладаў, прыступіць да рэалізацыі праекту не ўдалося.
«Шмат сродкаў нам давялося ўкласці ў рэстаўрацыю хутара Радзевіч пад Гальшанамі, - тлумачыць Аляксандр Варыкіш, - таму ідэя будаўніцтва драўлянага замка адышла на другі план. Але падчас выязной калегіі міністр спорту і турызму Алег Качан загаварыў пра магчымасць падобнага будаўніцтва ў Лагойску, і мы зноў зацікавіліся. Гэта ідэальнае месца - з цікавай гісторыяй, недалёка ад Мінска і горналыжных цэнтраў, куды ўзімку сцякаецца мноства турыстаў. Гэта пашырыць сезон і дазволіць рыцарскаму замку функцыянаваць цэлы год. Немалаважна, што мясцовыя ўлады таксама адкрытыя для дыялогу, яны гатовыя дапамагчы ў будаўніцтве, даць людзей і тэхніку.
Цяпер ідзе праектаванне і ўзгадненне.
У Міністэрстве культуры нас накіравалі ў Інстытут гісторыі НАН Беларусі і да археолагаў. Спачатку на месцах меркаванага будаўніцтва будуць праведзеныя раскопкі. Калі нам удасца знайсці рэшткі старога падмурка, новыя будынкі будуць узведзеныя ў адпаведнасці з ранейшымі межамі. Думаю, для рэалізацыі задуманага спатрэбіцца каля 1,5 года».
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары