10 жніўня на Кастрычніцкай плошчы Мінска сабралася група неабыякавых жанчын.
У сераду, 10 жніўня, на Кастрычніцкай плошчы Мінска роўна ў 19.00 на знакавым «нулявым кіламетры» усё ж такі адбыўся «маўклівы» перфоманс. Не абышлося без умяшання незнаёмцаў у цывільным. Найпрыгажэйшыя удзельніцы акцыі сустрэлі іх з усмешкай. Як гэта было — у фотахроніцы «Салідарнасці».
Прыкладна ў 18.50 да «нулявога кіламетры» падышла яркая жанчына ў строях з бел-чырвона-белымі акцэнтамі.
Ужо праз 5 хвілін, знаходзячыся ў дзесяці метрах ад «аб'екта», за ім назіралі двое незнаёмцаў з рацыямі і ў цывільным.
Жанчына чытала надпісы на знаку, праціраючы сурвэткай яго забруджаныя ўчасткі. Праз пару хвілін да яе падышлі яшчэ некалькі мужчын.
У 19.00 да неабыякавай далучыліся прыяцелькі. Адна з іх падзялілася з карэспандэнтам «Салідарнасці»:
— Вось, сяброўка першай прыйшла на нашу сустрэчу. І адразу столькі ўвагі мужчын! А калі сур’ёзна, адзін з іх паведаміў, што існуе праект змяненняў у закон «Аб масавых мерапрыемствах», які прадугледжвае неабходнасць дазволу не толькі на масавыя дзеянні, але і на бяздзейнасць. Мы адказалі, што ён яшчэ не ўступіў у сілу. На што атрымалі адказ: яны яго разглядаюць як праект, што неўзабаве ўступае ў сілу, так што больш траіх у гэтым месцы не зьбірацца!
Такі адказ незнаёмцаў насмяшыў жанчын.
Мужчыны рэціраваліся, а пазітыўная чацвёрка, сустрэўшы яшчэ некалькі сяброў, адправілася на Галоўпаштамт, каб адправіць лісты «хлопцам нашым каханым, мужным хлопцам», пасля чаго запланавала, што ўжо стала традыцыяй, наведаць Чырвоны касцёл на плошчы Незалежнасці, каб праспяваць за іх здароўе малітву.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары