У Гродне затрыманы праваабаронца Віктар Сазонаў. Праведзены ператрус дома і ў офісе
Затрыманага ў Гродне праваабаронцу Віктара Сазонава міліцыянты даставілі ў ягоны працоўны офіс на вуліцы Будзённага, дзе правялі ператрус. Забралі два камп'ютарныя блокі, праваабарончую літаратуру.
Пасля гэтага спадара Сазонава зноў звезлі — два міліцыянты ў цывільным і адзін у форме. Мабільны тэлефон затрыманага адключаны.
У той жа час ператрус правялі і дома ў Сазонава, дзе таксама забралі камп'ютар.
Віктара Сазонава затрымалі сёння пры канцы акцыі ў падтрымку Алеся Бяляцкага.
Цяпер чытаюць
Шэсць фактаў пра Андрэя Шведа — былога генпракурора, які цяпер стаў старшынёй Вярхоўнага суда4
Каментары