Прынамсі, гэта прадугледжвае падрыхтаваны праект адпаведнага закона.
Прынамсі, гэта прадугледжвае падрыхтаваны праект адпаведнага закона.
На сайце Нацыянальнага цэнтра заканадаўства і прававых даследаванняў РБ размешчаны праект Закона «Аб доступе да інфармацыі аб дзейнасці дзяржаўных органаў». Ён прадугледжвае, што зварот па інфармацыю ў дзяржаўныя органы можа ажыццяўляцца ў вуснай, пісьмовай або электроннай форме. Разам з тым не патрабуецца тлумачыць прычыну неабходнасці інфармацыі.
Прадуглежваецца і адказнасць за парушэння права на доступ да інфармацыі. Адмову можна абскарджваць ў вышэйстаячых дзяржорганах і судзе. У выпадку ж, калі прадстаўленая інфармацыя не адпавядае зместу запыту альбо прадстаўлена несвоечасова можна патрабаваць вяртання стратаў, панесеных заяўнікам.
Згодна з праектам, вызначаецца інфармацыя, да якой не можа быць абмежаваны доступ. У тым ліку
аб стане здароўя службовых асоб, якія займаюць пасады, уключаныя ў пералік вышэйшых дзяржаўных пасад Рэспублікі Беларусь.
Таксама вызначаны шэраг выпадкаў, калі інфармацыя з’яўляецца абмежаванай для распаўсюджвання. А за кіраўнікамі дзяржаўных устаноў і арганізацый афіцыйна замацуецца права вызанчэння інфармацыі, якую іх падначаленыя могуць паведамляць, а якую не (у тым ліку журналістам).
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары