Гэтага дабіліся адвакаты 32-гадовага нарвежца, які ў ліпені ўчыніў крывавую бойню.
Суд над Андэрсам Брэйвікам можа быць часткова адкрытым, паведамляе нарвежскае выданне VG. 32-гадовага нарвежца вінавацяць у здзяйсненні падвойнага тэракта 22 ліпеня, у выніку якога загінулі 77 чалавек.
Адвакаты Брэйвіка давялі, што цалкам закрыты працэс над іх падабаронным не магчыма правесці, не парушыўшы нарвежскія законы. На закрытым працэсе настойваюць следчыя пракуратуры і паліцыя. Яны апасаюцца, што праз прэсу тэрарыст можа звязацца са сваімі магчымымі паплечнікамі. Суд пастанавіў, што на працэс будуць дапушчаныя пацярпелыя і родныя загінуўшых у часе тэрактаў, а таксама журналісты. Для прэсы будуць уведзеныя істотныя абмежаванні: поўная забарона на фота- і відэаздымкі, а таксама абмежаванні пры публікацыі матэрыялаў з судовых працэсаў.
Цяпер чытаюць
Як Ксюша з СМА апынулася ў Доме дзіцяці пры жывой маме? Вось што кажа сама маці6
Каментары