Вытворца цыгарэт Marlboro звальняе 15% супрацоўнікаў праз падзенне попыту
Вытворца цыгарэт Marlboro кампанія Altria Group Inc. абвясціла пра скарачэнне штата на 15% праз падзенне продажаў.
Найбуйнейшы вытворца цыгарэт Philip Morris USA, які валодае Altria Group, збіраецца да 2013 года скараціць выдаткі на $ 400 млн, закрываючы фабрыкі і звальняючы супрацоўнікаў.
Сусветныя продажы цыгарэт значна падаюць не толькі праз павышэнне падаткаў і забаронаў на курэнне — многія кідаюць курыць, клапоцячыся пра здароўе. Акрамя таго, праходзіць мода на курэнне, што прыводзіць да праблем бізнэсу па вытворчасці тытунёвай прадукцыі, адзначае Associated Press.
Супрацоўнікам павінныя паведаміць пра звальненне да сярэдзіны снежня, а пакінуць кампанію ім давядзецца да канца лютага наступнага года.
Каментары