У Бабруйску затрыманыя чатыры ўдзельнікі акцыі, якая праводзілася ў памяць ахвяраў палітычных рэпрэсій.
Грамадcкія актывісты разам з іншымі вернікамі выйшлі з царквы, дзе адбывалася малітва за нявінна закатаваных. Са свечкамі ў руках яны накіраваліся на плошчу Перамогі, дзе рэпрэсаваным усталяваны памятны знак. На падыходах да плошчы людзей атачылі супрацоўнікі міліцыі і заштурхалі ў аўтобус.
Актывістаў адвезлі ў пастарунак на вуліцы Гогаля і загадалі выключыць мабільныя тэлефоны. Пакуль вядомыя імёны дваіх затрыманых — гэта Алена Тоўсцік і Арцём Маркачоў.
Ля пастарунка збіраюцца сваякі і сябры затрыманых.
Цяпер чытаюць
Жыгар — Краўцову: Я табе асабіста аплачу квіток да Мінска, там і дамаўляйся з Лукашэнкам!34
Каментары