Міліцыя затрымала Юрася Навіцкага, які здымаў відэааператараў у цывільным.
Супрацоўнікі міліцыі пасля мітынгу ў Лошыцы затрымалі Юрася Навіцкага, аднаго з яго ўдзельнікаў. Ён здымаў на фотакамеру людзей у цывільным, якія вялі відэаздымку акцыі памінання ахвяр сталінскіх рэпрэсій у Лошыцкім яры.
Навіцкі пасля мітынгу сеў у машыну да журналіста Арцёма Лявы. Разам яны паспрабавалі пакінуць Лошыцкі яр, аднак пры выездзе на вуліцу Маякоўскага машыну Лявы спыніў супрацоўнік ДАІ. Пасля гэтага людзі ў цывільным падбеглі да машыны, выцягнулі адтуль сілай Навіцкага, запіхнулі ў мікрааўтобус і павезлі ў невядомым кірунку.
Варта адзначыць, што падчас мітынгу адбыўся невялікі інцыдэнт. Юры Навіцкі з пляча іншага ўдзельніка мітынгу здымаў на фотакамеру супрацоўнікаў спецслужбаў, якія вялі відэазапіс. Супрацоўнік спецслужбаў ззаду ўдарыў паплечніка Навіцкага. У сваю чаргу, той павярнуўся і нанёс супрацоўніку спецслужбаў удар у адказ. Аднак гэты інцыдэнт арганізатарам мітынгу ўдалося спыніць без далейшых наступстваў.
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары