Памер кампенсацыі на метадычную літаратуру павялічваецца

Як паведамілі ў ЦК Беларускага прафсаюза работнікаў адукацыі і навукі, пастановай Міністэрства адукацыі быў павялічаны памер штомесячнай кампенсацыі выдаткаў на набыццё навучальнай і метадычнай літаратуры педагагічным работнікам.

Згодна з пастановай Міністэрства адукацыі, кампенсацыя будзе выплачвацца па асноўным месцы работы пры ўмове занятасці (педагагічнай нагрузцы) не менш як 0,5 штатнай адзінкі (стаўкі) адначасова з выплатай заработнай платы. Кампенсацыя будзе выплачвацца незалежна ад знаходжання педагагічнага работніка ў працоўным водпуску, водпуску па цяжарнасці і родах, водпуску па доглядзе дзіцяці да трох гадоў, незалежна ад адсутнасці педагагічнага работніка на рабоце па прычыне часовай непрацаздольнасці. Выплата кампенсацыі захоўваецца на час павышэння педагагічнымі работнікамі сваёй кваліфікацыі, перападрыхтоўкі, а таксама стажыроўкі кіруючых работнікаў і спецыялістаў.

Права на атрыманне кампенсацыі маюць работнікі ўстаноў дашкольнага выхавання, дзіцячых дамоў, устаноў агульнай сярэдняй адукацыі, а таксама структурных падраздзяленняў устаноў вышэйшай адукацыі, якія рэалізуюць адукацыйныя праграмы агульнай сярэдняй адукацыі, устаноў спецыяльнай адукацыі, прафесійна-тэхнічнай адукацыі, спецыяльных навучальна-выхаваўчых устаноў, устаноў дадатковай адукацыі дзяцей і моладзі, выхаваўча-аздараўленчых устаноў адукацыі. Маюцца на ўвазе настаўнікі ўсіх спецыяльнасцяў, уключаючы настаўнікаў-дэфектолагаў, выкладчыкі, педагогі-арганізатары, педагогі-псіхолагі, сацыяльныя псіхолагі, метадысты, кіраўнікі фізічнага выхавання, інструктары па фізкультуры, культарганізатары, акампаніятары, канцэртмайстары, музычныя кіраўнікі, педагогі дадатковай адукацыі, кіраўнікі (дырэктары, загадчыкі, начальнікі) устаноў (філіялаў) і іх намеснікі па навучальнай (навучальна-выхаваўчай), навучальна-метадычнай, выхаваўчай рабоце, намеснікі дырэктараў па навучальна-вытворчай рабоце, па вытворчым навучанні, намеснікі дырэктараў па рэжыме, загадчыкі аддзяленняў, загадчыкі аддзелаў (сектараў, лабараторый, кабінетаў) па асноўнай дзейнасці, загадчыкі аддзяленняў па профілі (напрамку) дзейнасці дадатковай адукацыі; а таксама загадчыкі: навучальна-вытворчай (вытворчай) майстэрні, лабараторыі, навучальна-кансультацыйнага пункта, інтэрната ўстаноў агульнай сярэдняй і спецыяльнай адукацыі; майстры (старшыя майстры) вытворчага навучання ўстаноў адукацыі. Таксама права на атрыманне кампенсацыі прадастаўлена выхавальнікам (выхавальнікам-метадыстам), выхавальнікам дашкольнага выхавання, якія працуюць ва ўстановах дашкольнага выхавання, дзіцячых дамах, дамах дзіцяці, установах агульнай сярэдняй адукацыі, спецыяльных школах закрытага тыпу, спецыяльных лячэбна-выхаваўчых школах закрытага тыпу, установах спецыяльнай адукацыі (акрамя цэнтраў карэкцыйна-развіццёвага навучання і рэабілітацыі).

Пастанова Міністэрства адукацыі распаўсюджвае сваё дзеянне на адносіны, якія ўзніклі з 1 кастрычніка 2011 года.

• 0
• 0
• 0
• 0
• 0
• 0
• 0
• 0