Jak paviedamili ŭ CK Biełaruskaha prafsajuza rabotnikaŭ adukacyi i navuki, pastanovaj Ministerstva adukacyi byŭ pavialičany pamier štomiesiačnaj kampiensacyi vydatkaŭ na nabyćcio navučalnaj i mietadyčnaj litaratury piedahahičnym rabotnikam.Nahadajem, što z 2000 hoda kampiensacyja na nabyćcio navučalnaj i mietadyčnaj litaratury zastavałasia niaźmiennaj i składała ŭsiaho siem z pałovaj tysiač rubloŭ. Za hetyja hrošy nastaŭniki nie mahli aformić navat miesiačnuju padpisku na svaju viedamasnuju hazietu. Ciapier pamier kampiensacyi budzie składać 15 pracentaŭ taryfnaj staŭki pieršaha razradu (zaraz heta 22 650 rubloŭ). Naturalna, što z pavieličeńniem taryfnaj staŭki budzie raści i kampiensacyjnaja vypłata.
Zhodna z pastanovaj Ministerstva adukacyi, kampiensacyja budzie vypłačvacca pa asnoŭnym miescy raboty pry ŭmovie zaniataści (piedahahičnaj nahruzcy) nie mienš jak 0,5 štatnaj adzinki (staŭki) adnačasova z vypłataj zarabotnaj płaty. Kampiensacyja budzie vypłačvacca niezaležna ad znachodžańnia piedahahičnaha rabotnika ŭ pracoŭnym vodpusku, vodpusku pa ciažarnaści i rodach, vodpusku pa dohladzie dziciaci da troch hadoŭ, niezaležna ad adsutnaści piedahahičnaha rabotnika na rabocie pa pryčynie časovaj niepracazdolnaści. Vypłata kampiensacyi zachoŭvajecca na čas pavyšeńnia piedahahičnymi rabotnikami svajoj kvalifikacyi, pierapadrychtoŭki, a taksama stažyroŭki kirujučych rabotnikaŭ i śpiecyjalistaŭ.
Prava na atrymańnie kampiensacyi majuć rabotniki ŭstanoŭ daškolnaha vychavańnia, dziciačych damoŭ, ustanoŭ ahulnaj siaredniaj adukacyi, a taksama strukturnych padraździaleńniaŭ ustanoŭ vyšejšaj adukacyi, jakija realizujuć adukacyjnyja prahramy ahulnaj siaredniaj adukacyi, ustanoŭ śpiecyjalnaj adukacyi,
Pastanova Ministerstva adukacyi raspaŭsiudžvaje svajo dziejańnie na adnosiny, jakija ŭźnikli z 1 kastryčnika 2011 hoda.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty23
Kamientary