Павесяліцца на гарадскіх ёлках гродзенцы змогуць ноччу і днём 1 студзеня. Гулянні пройдуць на плошчы Савецкай і каля кінатэатра «Кастрычнік».
Як расказала намеснік дырэктара Гродзенскага гарадскога дома культуры Аляксандра Скаскевіч, навагодняя праграма пачнецца ў 1.30 ночы на плошчы Савецкай. Забаўляць народ будуць артысты Гродзенскай абласной філармоніі, якія выканаюць сучасныя поп-хіты. А ў 1.55 тых, хто сабраўся на плошчы, павіншуе старшыня Гродзенскага гарвыканкама Барыс Казялкоў. Завершыць віншаванне мэра святочны феерверк, які працягнецца дзесяць хвілін — з 2.00 да 2.10. Пасля чаго дыскатэка ў кампаніі Дзеда Мароза і Снягуркі працягнецца да паловы чацвертай раніцы. Другое кола песняў, танцаў і карагодаў пачнецца 1 студзеня ў 15.00 каля кінатэатра «Кастрычнік» і ў 18.00 на плошчы Савецкай.
Каментары