Штодня на аднаго дэпутата дзяржава траціць 1 мільён рублёў
Усяго ж сёлета на дзейнасць дэпутатаў і сенатараў з бюджэту выдзяляецца звыш 64 мільярдаў рублёў.
У бюджэце краіны на 2012 год карэспандэнт знайшоў, колькі грошай сёлета пойдзе на Палату прадстаўнікоў і Савет Рэспублікі. Сума не маленькая — 64 мільярды 81 мільён рублёў.
Дэпутатаў у нас 110, сенатараў — 68. На кожнага з іх прыпадае па 360 мільёнаў у годальбо па 1 мільёне ў дзень з гэтых закладзеных у бюджэт мільярдаў.
«На што штодня траціцца гэты дэпутацкі мільён?» — цікавімся ў дэпутата Валянціны Леаненка. Але яна прызнаецца, што пры вывучэнні бюджэта ўвагу найперш звяртала на тое, колькі грошай ідзе на сацыяльныя патрэбы.
«Вось гэты артыкул… неяк ён
Кіраўнік упраўлення
«Вы ведаеце, гэта ўсё: і будынак, і астатняе… Я не ведаю нічога па гэтым пытанні — гэта фінансы…»
У бухгалтэрыі Палаты прадстаўнікоў увогуле адмовіліся размаўляць з журналістамі без дазволу не менш як спікера.
І толькі старшыня камісіі па ахове здароўя, фізічнай культуры, справах сям’і і моладзі Алег Вялічка паспрабаваў падлічыць, на што ідуць гэтыя грошы. Пачалі з дэпутацкага заробку.
«Ну, заробак, калі палічыць: дэпутатаў 110 і,
Калі памножыць на нейкі сярэдні заробак, мільёны 4–5 у сярэднім,то вось вам ужо палова той сумы, пра якую вы кажыце. Гэты заробак жадае быць значна лепшым — нават 5 мільёнаў няма».
Працягваючы падлікі, называе іншыя артыкулы, на што ідзе штодзённы дэпутацкі мільён з
«Камандзіровачныя — таксама самыя значныя выдаткі.А што больш? Ну, нейкія ж яшчэ выдаткі ёсць. Набыццё нейкага там стала, крэсла, яшчэ нечага — як у любой установе. На ўтрыманне будынка, на набыццё нейкага абсталявання. Хаця на гэта, я ведаю, не так і шмат выдзяляецца. Ніхто тут не шыкуе, паверце мне! Нармальныя ўмовы, але залатых унітазаў няма».
І народныя абраннікі хочуць яшчэ больш павялічыць расходы на сваё ўтрыманне. Яны ўжо прынялі ў першым чытанні законапраект «Аб унясенні зменаў у закон «Аб статусе дэпутата Палаты прадстаўнікоў, сябра Савета Рэспублікі Нацыянальнага сходу». Там прадугледжваецца стварэнне адмысловага дэпутацкага фонду. З якога, да прыкладу, будуць кампенсавацца выдаткі на камандзіроўкі для памочнікаў дэпутатаў.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі39
Каментары