Спікер Андрэйчанка хоча да канца года выйсці на ўзровень прыбыткаў канца 2010-га.
Да канца гэтага года краіна павінна выйсці на ўзровень прыбыткаў, які быў у насельніцтва ў канцы 2010 года. Пра гэта заявіў старшыня палаты прадстаўнікоў нацыянальнага сходу Уладзімір Андрэйчанка:
«Нам не трэба сёння змяншаць цэны, нам неабходна паднімаць даходы насельніцтва».Нагадаем, у канцы 2010 года афіцыйная статыстыка зафіксавала заробак, вышэйшы за $500.
«Нам неабходна эфектыўная вытворчасць, каб рэальна павялічваць узровень прадпрыемстваў і ў выніку — узровень жыцця людзей», — падкрэсліў старшыня палаты прадстаўнікоў. Ён заявіў, што на працягу гэтага года зарплаты і пенсіі будуць павялічвацца неаднаразова.
Па стане на снежань сярэдні заробак у краіне, паводле інфармацыі Белстата, складаў $340. Планаваны на 2012 год курс даляра складае 9150 рублёў. Гэта значыцца,
каб выканаць планы Андрэйчанкі, беларусы павінны ў канцы 2012 года атрымліваць каля 5 мільёнаў рублёў.
Такі ліхаманкавы рост заробкаў прывядзе да чарговай дэвальвацыі і скачку інфляцыі — як было і летась.
Ціханоўскі патлумачыў, чаму ён так паводзіў сябе ў Нью-Ёрку115
Каментары