Суд даў яму дазвол на сустрэчу з жонкай.
Суд Першамайскага раёна Віцебску даў асуджанаму на 2 гады і 1 месяц калоніі актывісту КХП БНФ Сяргею Каваленку дазвол на спатканне з жонкай. Як паведаміла
Сёння Алена Каваленка наведала сёння следчы ізалятар Віцебска, дзе мела гутарку з кіраўніком медыцынскай часткі. Той паведаміў, што Сяргей працягвае галадоўку, але п’е ваду.
«Стан здароўя ў яго здавальняючы, у тэрміновай шпіталізацыі не мае патрэбы, ад медыцынскай дапамогі адмаўляецца»,— паведаміў Алене турэмны лекар Шчарбакоў.
Сяргей Каваленка галадае на знак пратэсту супраць незаконнага арышту і патрабуе, каб медыцынскую дапамогу яму аказвалі не ў турэмным, а ў цывільным шпіталі. Турэмным лекарам ён не давярае. Раней Алена праз СІЗА перадавала Сяргею вітаміны, але іх вярнулі, сказалі, што муж не ўзяў.
***
Нагадаем, што ў пятніцу, 24 лютага, Сяргея Каваленку пакаралі 2 гадамі 1 месяцам калоніі агульнага рэжыму нібыта за парушэнні рэжыму так званай «хатняй хіміі» — абмежавання волі, якое яму прысудзілі за сцяг, вывешаны на галоўнай ёлцы Віцебска 7 студзеня 2010 года.
Каментары