Грамадства77

Лукашэнка: Беларусь правядзе ЧС па велатрэку на найвышэйшым узроўні

Беларусь правядзе чэмпіянат свету па велатрэку ў 2013 годзе на самым высокім узроўні. Аб гэтым Аляксандр Лукашэнка заявіў сёння, сустракаючыся з прэзідэнтам Міжнароднага саюза веласіпедыстаў Пэтам Макуэйдам.

Аляксандр Лукашэнка адзначыў, што ў Беларусі ўжо ёсць пэўны вопыт правядзення спаборніцтва высокага ўзроўню. «Мы праводзілі чэмпіянат Еўропы сярод юніёраў і правялі яго, згодна з вашымі ацэнкамі, нядрэнна», — сказаў ён, звяртаючыся да госця. Беларусь рыхтуецца прыняць чэмпіянат свету па хакею ў 2014 годзе. Лукашэнка звярнуў увагу на тое, што, такім чынам, да праходзячага на год раней сусветнага першынства па веласпорту будуць створаны самыя спрыяльныя ўмовы.

«У нас будуць створаны ўсе ўмовы для пражывання, гатова ўся інфраструктура, і гэта сведчыць аб тым, што мы без усялякіх праблем сустрэнем чэмпіянат свету па веласпорту і правядзём яго на самым высокім узроўні»,
 — падкрэсліў ён.

У цэлым, гаворачы аб развіцці веласпорту ў Беларусі, Лукашэнка адзначыў яго даволі высокі узровень. Па выніках мінулага чэмпіянату свету беларусы занялі агульнакаманднае трэцяе месца. «Мы лічым, гэта вялікае дасягненне для такой параўнальна невялікай краіны, як Беларусь», — сказаў Аляксандр Лукашэнка. Ён адзначыў, што ў краіне мэтанакіравана ішлі на развіццё веласпорту, паколькі ўжо некалькі дзесяцігоддзяў існавала добрая велашкола. У мінулым беларусы былі і чэмпіёнамі свету, і алімпійскімі прызёрамі. Лукашэнка нагадаў, што ў сувязі з гэтым было прынята рашэнне аб будаўніцтве веладрома. «Па характарыстыцы і ацэнцы саміх спартсменаў, гэта адзін з лепшых велатрэкаў у свеце», — адзначыў ён.

Акрамя таго, Лукашэнка лічыць, што правядзенне такога турніру ў Беларусі дасць вельмі моцны імпульс да развіцця веласпорту.

«Хачу запэўніць, што мы зробім ўсё для таго, каб яшчэ больш удасканаліць велатрэк, зрабіць яго знешне ідэальным, каб гэта быў сапраўдны палац, уваходзячы ў які і спартсмены, і трэнеры адчувалі сябе як дома, і тым самым мы створым добры настрой у спартсменаў», — сказаў кіраўнік дзяржавы. «У гэтым вы можаце быць упэўнены. Мы зробім усё, каб госці, якія прыедуць да нас, адчувалі сябе тут вельмі добра, камфортна», — дадаў ён.

Аляксандр Лукашэнка падзякаваў Міжнароднаму саюзу веласіпедыстаў за падтрымку веласіпеднага спорту ў Беларусі. «Мы гэта вельмі цэнім і не забудзем», — сказаў ён.

Кіраўнік дзяржавы таксама запрасіў Пэта Макуэйда напярэдадні чэмпіянату паспаборнічаць на трэку.

«Прыз будзе добры, але спаборнічаць будзем сумленна, без паддаўкоў, — сказаў Аляксандр Лукашэнка. — Я часта выязджаю на трэк, вельмі люблю гэта збудаванне.
У нас цэлая каманда, і гонкі бывалі вельмі сур’ёзныя. Таму я запрашаю вас у сваёй камандзе прыняць удзел у спаборніцтве напярэдадні чэмпіянату свету»

Каментары7

Цяпер чытаюць

Беспілотнік, які ўпаў у Мінску, прыляцеў з боку Барысава — шматлікія сведчанні5

Беспілотнік, які ўпаў у Мінску, прыляцеў з боку Барысава — шматлікія сведчанні

Усе навіны →
Усе навіны

Лукашэнка будуе сакрэтны завод па вытворчасці дронаў у Мінску7

СК апублікаваў відэазапіс падзення беспілотніка ў Мінску. На абломках паказалі ўкраінскія надпісы45

Арыштавалі экс-начальніка ДАІ Партызанскага раёна Мінска1

«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку5

АМАП затрымлівае мінчукоў на месцы падзення беспілотніка ў двары на Матусевіча26

Беларускі бізнэсмен, якога шукае Інтэрпал, адкрыў рэстаран у Варшаве. Цяпер з ім судзяцца былыя падначаленыя9

«Не спалі ўсю ноч». Што адбываецца ў двары ў Мінску, дзе збілі дрон8

Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну7

Гомельскія міліцыянеры выпадкова дадалі «экстрэміста» ў свой унутраны чат — што ён там убачыў5

больш чытаных навін
больш лайканых навін

Беспілотнік, які ўпаў у Мінску, прыляцеў з боку Барысава — шматлікія сведчанні5

Беспілотнік, які ўпаў у Мінску, прыляцеў з боку Барысава — шматлікія сведчанні

Галоўнае
Усе навіны →

Заўвага:

 

 

 

 

Закрыць Паведаміць