Łukašenka: Biełaruś praviadzie ČS pa viełatreku na najvyšejšym uzroŭni

Biełaruś praviadzie čempijanat śvietu pa viełatreku ŭ 2013 hodzie na samym vysokim uzroŭni. Ab hetym Alaksandr Łukašenka zajaviŭ siońnia, sustrakajučysia z prezidentam Mižnarodnaha sajuza viełasipiedystaŭ Petam Makuejdam.

Alaksandr Łukašenka adznačyŭ, što ŭ Biełarusi ŭžo jość peŭny vopyt praviadzieńnia spabornictva vysokaha ŭzroŭniu. «My pravodzili čempijanat Jeŭropy siarod junijoraŭ i praviali jaho, zhodna z vašymi acenkami, niadrenna», — skazaŭ jon, źviartajučysia da hościa. Biełaruś rychtujecca pryniać čempijanat śvietu pa chakieju ŭ 2014 hodzie. Łukašenka źviarnuŭ uvahu na toje, što, takim čynam, da prachodziačaha na hod raniej suśvietnaha pieršynstva pa viełasportu buduć stvorany samyja spryjalnyja ŭmovy.

«U nas buduć stvorany ŭsie ŭmovy dla pražyvańnia, hatova ŭsia infrastruktura, i heta śviedčyć ab tym, što my biez usialakich prablem sustreniem čempijanat śvietu pa viełasportu i praviadziom jaho na samym vysokim uzroŭni»,

U cełym, havoračy ab raźvićci viełasportu ŭ Biełarusi, Łukašenka adznačyŭ jaho davoli vysoki uzrovień. Pa vynikach minułaha čempijanatu śvietu biełarusy zaniali ahulnakamandnaje treciaje miesca. «My ličym, heta vialikaje dasiahnieńnie dla takoj paraŭnalna nievialikaj krainy, jak Biełaruś», — skazaŭ Alaksandr Łukašenka. Jon adznačyŭ, što ŭ krainie metanakiravana išli na raźvićcio viełasportu, pakolki ŭžo niekalki dziesiacihodździaŭ isnavała dobraja viełaškoła. U minułym biełarusy byli i čempijonami śvietu, i alimpijskimi pryziorami. Łukašenka nahadaŭ, što ŭ suviazi z hetym było pryniata rašeńnie ab budaŭnictvie vieładroma. «Pa charaktarystycy i acency samich spartsmienaŭ, heta adzin ź lepšych viełatrekaŭ u śviecie», — adznačyŭ jon.

Akramia taho, Łukašenka ličyć, što praviadzieńnie takoha turniru ŭ Biełarusi daść vielmi mocny impuls da raźvićcia viełasportu.

«Chaču zapeŭnić, što my zrobim ŭsio dla taho, kab jašče bolš udaskanalić viełatrek, zrabić jaho źniešnie idealnym, kab heta byŭ sapraŭdny pałac, uvachodziačy ŭ jaki i spartsmieny, i treniery adčuvali siabie jak doma, i tym samym my stvorym dobry nastroj u spartsmienaŭ», — skazaŭ kiraŭnik dziaržavy. «U hetym vy možacie być upeŭnieny. My zrobim usio, kab hości, jakija pryjeduć da nas, adčuvali siabie tut vielmi dobra, kamfortna», — dadaŭ jon.

Alaksandr Łukašenka padziakavaŭ Mižnarodnamu sajuzu viełasipiedystaŭ za padtrymku viełasipiednaha sportu ŭ Biełarusi. «My heta vielmi cenim i nie zabudziem», — skazaŭ jon.

Kiraŭnik dziaržavy taksama zaprasiŭ Peta Makuejda napiaredadni čempijanatu paspaborničać na treku.

«Pryz budzie dobry, ale spaborničać budziem sumlenna, biez paddaŭkoŭ, — skazaŭ Alaksandr Łukašenka. — Ja časta vyjazdžaju na trek, vielmi lublu heta zbudavańnie.

• 0
• 0
• 0
• 0
• 0
• 0
• 0
• 0