На поўначы Мексікі паліцыя арыштавала 8 чалавек у сувязі з забойствам двух 10-гадовых хлопчыкаў і жанчыны з мэтай рытуальных ахвярапрынашэнняў.
Пракуратура штата Санора сцвярджае, што падазраваныя належаць да культу La Santa Muerte, або «Святая смерць».
Культ шанавання смерці імкліва распаўсюджваецца ў апошні час у краіне. Раней не было ніякіх пацверджанняў забойстваў, звязаных з містычным культам, якія спалучаюць у сабе каталіцызм з індзейскімі паганскімі вераваннямі.
Прадстаўнік пракуратуры штата Санора Хасэ Ларынага заявіў, што апошняе забойства было здзейснена ў пачатку гэтага месяца, а два ранейшыя ў 2009 і 2010 гадах.
Кроў ахвяр удзельнікі культу збіралі ў круглы алтар каля свайго ідала ў выглядзе шкілета, які ўвасабляе смерць з касой.
Целы забітых былі знойдзеныя на месцы сьвятыні ў невялікім шахцёрскім селішчы Наказары. Расследаванне пачалося пасля таго, як сям'я 10-гадовага Хесуса Актавія Марцінэс Янсэнса паведаміла аб яго знікненні ў пачатку месяца.
Прадстаўнік пракуратуры распавёў, што забойствы былі здзейсненыя ноччу падчас адмысловага рытуалу.
«Яны разрэзалі вены ахвяр і, пакуль тыя яшчэ былі жывыя, назіралі за іх смерцю, збіраючы кроў у адмысловы посуд», - распавёў Хасэ Ларынага.
Многія з арыштаваных належалі да адной сям'і.Сільвія Мерас, адна з падазраваных, і яе сын Рамон Паласіас, па словах пракурораў, лідэры культу.
Каментары