ТБМ ініцыявала будаўніцтва аўтадарогі між Стабцоўшчынай і Нясвіжчынай. Камунальныя службы прапанову падтрымалі.
Камунальныя службы падтрымалі прапанову Таварыства беларускай мовы пра будаўніцтва аўтадарогі Любкаўшчына‑Кунаса (каля 5 км), якая злучыць Стаўбцоўскі і Нясвіжскі раёны Мінскай вобласці. Зараз вёскі злучае «дарога без пакрыцьця» ці папросту грунтоўка.
Пра гэта гаворыцца ў адказе кіраўніцтва прадпрыемства «Мінскаблдарбуд» старшыні ТБМ Алегу Трусаву. Праўда, у лісце адзначаецца, што сёлета пабудаваць дарогу не атрымаецца, паколькі планы на 2007 год былі зацверджаныя яшчэ летась.
А вось у наступным годзе, пры неабходным фінансаванні, будаўніцтва можа пачацца. Тым не менш, сёлета будзе зроблена праектна‑каштарысная дакументацыя па гэтым праекце.
Па словах Трусава, кіраўніцтва ТБМ звярнулася ў Мінскі аблвыканкам з прапановай злучыць «нармальнай дарогай» Стаўбцоўскі і Нясвіжскі раёны, каб у год 125‑годдзя з дня нараджэння Народнага паэта Якуба Коласа людзі маглі бесперашкодна наведваць Коласаўскі заказнік, дзе знаходзіцца мастацка‑мемарыяльны комплекс «Шлях Коласа», месцы яго дзяцінства і юнацтва, а таксама філіял Літаратурна‑мемарыяльнага музея Коласа.
| Фота Анатоля Клешчука |
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары