Тарыфная стаўка першага разраду ў Беларусі павышана 1 мая на 5% — з 200 да 210 тыс. рублёў. Гэта прадугледжана пастановай Савета міністраў № 410 «Аб устанаўленні памеру тарыфнай стаўкі першага разраду для аплаты працы работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаныя па аплаце працы да работнікаў бюджэтных арганізацый» ад 4 мая 2012 года, якое ўзгадніў Аляксандр Лукашэнка.
Змененыя таксама карэкціруючыя каэфіцыенты, якія прымяняюцца да тарыфных ставак (акладаў) работнікаў.
«Адпаведнае рашэнне прынята з мэтай далейшага павышэння ўзроўню аплаты працы работнікаў бюджэтных арганізацый, пакупной здольнасці іх заработнай платы, а таксама частковага аднаўлення дыферэнцыяцыі ў аплаце працы», — адзначылі ў прэс-службе ўрада.
Гэта другое з пачатку года павышэнне тарыфнай стаўкі першага разраду. Папярэдняе адбылося 1 студзеня 2012 года, рост склаў 32,5% — са 151 да 200 тыс. рублёў.
Цяпер чытаюць
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў9
Каментары