Taryfnaja staŭka pieršaha razradu ŭ Biełarusi pavyšana 1 maja na 5% — z 200 da 210 tys. rubloŭ. Heta praduhledžana pastanovaj Savieta ministraŭ № 410 «Ab ustanaŭleńni pamieru taryfnaj staŭki pieršaha razradu dla apłaty pracy rabotnikaŭ biudžetnych arhanizacyj i inšych arhanizacyj, jakija atrymlivajuć subsidyi, rabotniki jakich pryraŭnanyja pa apłacie pracy da rabotnikaŭ biudžetnych arhanizacyj» ad 4 maja 2012 hoda, jakoje ŭzhadniŭ Alaksandr Łukašenka.
Źmienienyja taksama karekcirujučyja kaeficyjenty, jakija prymianiajucca da taryfnych stavak (akładaŭ) rabotnikaŭ.
«Adpaviednaje rašeńnie pryniata z metaj dalejšaha pavyšeńnia ŭzroŭniu apłaty pracy rabotnikaŭ biudžetnych arhanizacyj, pakupnoj zdolnaści ich zarabotnaj płaty, a taksama častkovaha adnaŭleńnia dyfierencyjacyi ŭ apłacie pracy», — adznačyli ŭ pres-słužbie ŭrada.
Heta druhoje z pačatku hoda pavyšeńnie taryfnaj staŭki pieršaha razradu. Papiaredniaje adbyłosia 1 studzienia 2012 hoda, rost skłaŭ 32,5% — sa 151 da 200 tys. rubloŭ.
Kamientary