У абарону касьцёла сьвятога Язэпа сабрана больш за чатыры тысячы подпісаў
Акцыя доўжыцца ўжо тры тыдні.
Больш за чатыры тысячы подпісаў сабрана з 7 па 26 сакавіка пад зваротам да кіраўніка дзяржавы за вяртанне вернікам мінскіх манастыра і касцёла бернардзінцаў — помнікаў архітэктуры барока XVII стагоддзя, размешчаных па вуліцы Кірылы і Мяфодзія, 4, 6 і 8.
Як паведаміла член камітэта рымска?каталіцкай абшчыны [парафіі] святога Іосіфа Івона Мацукевіч, у звароце, у прыватнасці, гаворыцца, што вернікі «абураны бязбожным планам рэканструкцыі манастырскага комплексу і касцёла св. Іосіфа». «Мы пратэстуем супраць рэканструкцыі асвешчанага храма і манастыра — месца малітвы і духоўнага адраджэння нашага народа — пад гатэльны комплекс, забаўляльныя залы, рэстараны», — зазначаецца ў дакуменце. Вернікі просяць вярнуць святыню Мінска?Магілёўскай архідыяцэзіі і адзначаюць, што набажэнствы ў касцёле будуць праводзіцца па?беларуску, а будынкі манастыра будуць выкарыстоўвацца пад нядзельную школу і ведамствы архідыяцэзіі. «Будынак павінен належаць народу, а не тым нямногім багатым людзям, хто зможа заплаціць велізарныя грошы за карыстанне паслугамі гатэльнага комплексу», — падкрэсліла І.Мацукевіч.
Збор подпісаў пачаўся пасля таго, як стала вядома аб планах Мінскага гарвыканкама перадаць будынкі манастыра інвестарам для рэканструкцыі і прыстасавання пад гатэльны комплекс і аб’екты гандлёва?бытавога прызначэння. Манастыр, пабудаваны на сродкі дабрачынцаў, а не казны, быў канфіскаваны ў 1864 годзе ўладамі Расійскай імперыі пасля ўдушэння нацыянальна?вызвольнага паўстання супраць рускага царызму пад кіраўніцтвам Кастуся Каліноўскага. У будынку былога храма дагэтуль размяшчаюцца Беларускі дзяржаўны архіў навукова?тэхнічнай дакументацыі і Беларускі дзяржаўны архіў?музей літаратуры і мастацтва. З будынкаў манастыра выселены службы ваеннай камендатуры і пракуратуры.
Трэба зазначыць, што ў студзені 2007 года ўпраўленне па ахове гісторыка?культурнай спадчыны і рэстаўрацыі Міністэрства культуры выдала унітарнаму прадпрыемству «Мінскпраект» дазвол на правядзенне навукова?даследчых і праектных работ на аб’ектах былога манастыра. Больш за тры гады абшчына св. Іосіфа праводзіць штодзённыя набажэнствы за вяртанне вернікам будынка былога касцёла, дзе плануецца размясціць канцэртную залу.
Цяпер чытаюць
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна14
Каментары