БЕЛТА: У акцыі «За незалежную Беларусь!» прынялі ўдзел каля 50 тыс. чалавек
Пра гэта паведаміў сёньня намесьнік старшыні Менгарвыканкама Міхаіл Ціцянкоў на апэратыўнай нарадзе ў мэрыі.
Аб гэтым паведаміў сёння намеснік старшыні Мінгарвыканкама Міхаіл Ціцянкоў на аператыўнай нарадзе ў мэрыі.
Паводле яго слоў, акцыя праходзіла на дзвюх пляцоўках — на тэрыторыі аэрапорта Мінск‑1 і каля Нацыянальнай бібліятэкі Беларусі — і была арганізавана ў выглядзе маладзёжнага музычнага фестывалю. «У аэрапорце на працягу дня ў мерапрыемствах прынялі ўдзел каля 40 тыс., каля бібліятэкі — прыблізна 10 тыс. чалавек», — сказаў Міхаіл Ціцянкоў. У гэты дзень для мінчан выступілі папулярныя эстрадныя і рок‑выканаўцы, адбыліся захапляльныя конкурсы, віктарыны, спаборніцтвы па міні‑футболу, стрытболу.
Паводле ацэнкі намесніка старшыні гарвыканкама, «акцыя стартавала вельмі арганізавана». Міхаіл Ціцянкоў адзначыў высокую цікавасць з боку моладзі да акцыі і выказаўся за правядзенне такіх мерапрыемстваў у далейшым. У якасці фармату было прапанавана каля бібліятэкі праводзіць канцэрты класічнага характару, а ў аэрапорце — у сучасным стылі з элементамі вулічнай культуры.
Нагадаем, што рэспубліканская акцыя «За незалежную Беларусь!» накіравана на фарміраванне патрыятычных каштоўнасцей, папулярызацыю маладзёжнага руху і прапаганду музычнай творчасці, здаровага ладу жыцця. На працягу сакавіка — ліпеня аналагічныя мерапрыемствы адбудуцца ва ўсіх раёнах і абласных цэнтрах рэспублікі. Фінішуе акцыя 3 ліпеня — у Дзень незалежнасці — на стадыёне «Дынама» вялікім гала‑канцэртам майстроў мастацтваў.
Цяпер чытаюць
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна15
Каментары