Кіно1414

Саша Барон Коэн таксама паходзіць з Беларусі

40-гадовы комік растварыўся ў сваіх персанажах, але ў яго таксама ёсць сваё мінулае.

Яму сорак гадоў, у яго жонка і дзве дачкі. Ён багаты, вядомы і таленавіты. Нават геніяльны. У Сашы Барона Коэна ў жыцці толькі адна праблема. Ён часта забывае, як яго завуць. Гэтая амнезія не звязаная з яго складаным прозвішчам.

Сямейная легенда сведчыць, што ягоны дзед збег з Беларусі ў Вялікабрытанію ў 1880-х, ратуючыся ад пагромаў. Асталяваўшыся на новым месцы, Хаім Барон дадаў да свайго прозвішча прыдомак Коэн, каб палепшыць сваё паходжанне.
Коэн, ці больш звыклая беларусам форма Коган, азначала прыналежнасць да роду святароў з Іерусалімскага храма.

Саша Барон Коэн зліўся са сваімі прыдуманымі для тэлебачання, а затым адаптаванымі для кіно вобразамі. Учора рэпер Алі Джы, потым Барат, казахскі рэпарцёр, антысеміт і гамафоб, потым Бруна, аўстрыйскі гей, вядоўца праграмы модаў, а цяпер — генерал-адмірал Хафіз Аладын, дэспатычны лідар Рэспублікі Вадзія ў «Дыктатары».

Актор заўсёды гаворыць з журналістамі ад імя гэтых персанажаў. Ён застаецца імі, нават калі камера перастае працаваць.
Першапачаткова гэтая гульня выглядала як рэкламная. Нават цяпер цяжка паверыць, што Хафіз Аладын, які адказвае на мэйлы, які адзін дзень згаджаецца на інтэрв’ю, а на наступны адмаўляецца, — усяго толькі выдумка.

За ўсімі персанажамі часта губляецца сам Саша Барон Коэн. Як сам актор прызнаўся аднойчы ў інтэрв’ю Говарду Стэрну, «я раствараюся ў сваіх персанажах, я забыўся на сваё я. Хто я?»

Пасля поспеху «Барата» на Коэна абрынуліся многія габрэйскія арганізацыі, разгневаныя персанажам-антысемітам. Яго бацька страціў магчымасць спакойна маліцца ў сваёй сінагозе
пасля нападу некалькіх шчырых вернікаў. За Бруна Коэна палівалі брудам геі. За «Дыктатара» Коэна не любяць арабы, нягледзячы на тое, што партрэт лідара, натхнёны Садамам Хусэйнам і Кадафі, занадта карыкатурны нават у іх вачах.

40-гадовы комік растварыўся ў сваіх персанажах, але ў яго таксама ёсць сваё мінулае. Яго бацька — бухгалтар. Яго маці і бабуля — выкладчыцы аэробікі. Бабуля, якой цяпер 97 гадоў, выкладала аэробіку яшчэ ў Хайфе (Ізраіль).

Бацька Сашы Барона Коэна меў стандартную мару — убачыць свайго сына юрыстам.
Ён паказваў яму фільмы з Пітэрам Сэлерсам. Галоўны герой «Ружовай пантэры» зрабіўся кумірам Сашы Барона Коэна.
У Кембрыджскім універсітэце Саша Барон Коэн у 1993 годзе напісаў дысертацыю па гісторыі — пра ролю габрэяў у руху за грамадзянскія правы.

Дазваляючы сваім пераснажам жыць сваім жыццём, Саша Барон Коэн прыйшоў да высновы, што самае разумнае, што мы можам зрабіць, — гэта перастаць быць іншымі. Гэта проста пытанне псіхічнага выжывання.

Каментары14

Цяпер чытаюць

У беларускіх радзільнях бяруць у закладнікі немаўлят, якіх нарадзілі мігранткі, каб спагнаць з бацькоў грошы? Разбіраемся

У беларускіх радзільнях бяруць у закладнікі немаўлят, якіх нарадзілі мігранткі, каб спагнаць з бацькоў грошы? Разбіраемся

Усе навіны →
Усе навіны

Беларускамоўны бяздомны Гомеля атрымаў шанец, каб змяніць жыццё. Што ў выніку?2

Лукашэнка: Трэба вырасціць столькі бульбы, каб хапіла і нам, і Расіі. Трэба дапамагчы братам-расіянам12

У Мухаўцы знайшлі цела без галавы і рук. Сілавікі раскрылі забойства 24-гадовай даўнасці як у фільмах пра гангстараў2

Зяленскі: Расія прапаноўвала правесці перамовы ў Беларусі7

У мінскім аэрапорце — масавыя затрымкі рэйсаў2

Зяленскі прапанаваў правесці трохбаковую сустрэчу з Пуціным і Трампам

Шрайбман: Цяперашнія канфлікты ў апазіцыі ўжо мала каго цікавяць14

Работнікі МНС выратавалі на пажары сабаку і ката, а потым зрабілі ім штучнае дыханне

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

больш чытаных навін
больш лайканых навін

У беларускіх радзільнях бяруць у закладнікі немаўлят, якіх нарадзілі мігранткі, каб спагнаць з бацькоў грошы? Разбіраемся

У беларускіх радзільнях бяруць у закладнікі немаўлят, якіх нарадзілі мігранткі, каб спагнаць з бацькоў грошы? Разбіраемся

Галоўнае
Усе навіны →

Заўвага:

 

 

 

 

Закрыць Паведаміць