Такі сыр у Беларусі вырабляюць, але зусім няшмат.
Маладзечанскі малочны камбінат плануе асвоіць выпуск сыру тыпу «Мацарэла», паведамляе БЕЛТА.
Укараненне інвестыцыйнага праекта намечана на IV квартал гэтага года, набываецца комплекс абсталявання для галаўнога прадпрыемства ў Маладзечне. Такі сыр у Беларусі вырабляюць, але зусім няшмат. На Захадзе структура спажывання схіляецца менавіта ў бок мяккіх сыроў. Таксама для яго закупляецца аўтаматызаваная лінія па выпуску сычужных сыроў, абсталяванне па падрыхтоўцы малака для вытворчасці сыроў (апаратны ўчастак).
Інвестыцыйныя праекты рэалізуюць і іншыя заводы, якія ўваходзяць у склад аб'яднання. Так, у Вілейцы чакаецца ўвод у эксплуатацыю комплексу будынкаў па перапрацоўцы сыроваткі і сцёкавых вод у біягаз для далейшага выкарыстання ў цеплаэнергетычных гаспадарках. На нарачанскім філіяле наладжаны выпуск сыру з блакітнай цвіллю «Ракфорці». Аўтаматызаваная лінія магутнасцю 1 тыс. кг у змену запрацавала ў лютым, на ёй ужо выпушчана 21,4 т сыру.
Глядзі яшчэ: З чым найлепш есці беларускі ракфорці?
Каментары