Грузавік, які перавозіў рапс, перакуліў на дах легкавік, перакуліўся сам і заехаў у краму — фота
Здарэнне адбылося ў вёсцы Ганчары Лідскага раёна. Пацярпеў кіроўца грузавіка.
Кіроўца грузавіка «Мэрсэдэс» з паўпрычэпам вёз груз з Карэліцкага раёна ў Ліду, паведамляе сайт ДАІ Гродна і Гродзенскай вобласці. Перад ім ехаў легкавы «Мэрсэдэс» і грузавік, які пачаў прымаць управа да крамы, каб выгрузіць прадукты. Аўто, што ехалі наперадзе, пачалі зніжаць хуткасць. Кіроўца грузавога «Мэрсэдэса» заўважыў гэта занадта позна.
У выніку экстранага тармажэння і рэзкага павароту руля ўправа, грузавік пайшоў юзам, і кіроўца цалкам страціў кантроль над ім. Спачатку ён знёс легкавы прыпаркаваны на стаянцы каля крамы легкавы «Фольксваген», перакліўшы яго на дах. Легкавік належыць загадчыцы крамы. Ад удару і сам грузавік заваліўся на бок і спыніўся толькі ля ўваходу ў краму, рассыпаўшы рапс.
Цуд, што ў гэты час на яго шляху не было людзей. Пацярпеў толькі кіроўца грузавіка, ён атрымаў рэзаныя раны твару.
Каментары