«У парламенце распуста, п’янства, лайдакі!»
Кандыдат-гумарыст Крыжаноўскі дае дыхту.
17 верасня 2012 года Яўген Крыжаноўскі, які балатуецца ў палату прадстаўнікоў, сустрэўся з жыхарамі сталічнага мікрараёна Паўднёвы Захад. Паслухаць кандыдата і вядомага гумарыста, галоўнага рэжысёра тэатра «Хрыстафор», прыйшлі ўсяго 8 чалавек. Тым не менш, Крыжаноўскі выклаўся напоўніцу.
Крыжаноўскі — намеснік старшыні Ліберальна-дэмакратычнай партыі Беларусі. Палітыку партыі ён патлумачыў так:
«Мы лічым сябе канструктыўнай апазіцыяй, але мы не выводзім людзей на плошчу. Мы не застаўляем іх біцца з міліцыяй і садзіцца ў турму».
Крыжаноўскі паабяцаў выбаршчыкам зменшыць заробкі дэпутатаў. «Народныя выбраннікі» мусяць мець «народны» заробак.
«Заробак у шараговага дэпутата — 7 мільёнаў з капейкамі. Пытанне: дэпутаты, за што вы атрымліваеце такія грошы?».
Яўген Крыжаноўскі высока ацэньвае шанцы на перамогу:
«Сёння, стоячы ў пікетах, я пераканаўся: 80 працэнтаў! Мы стаім каля «Брэста», мы стаім ля «Валгаграда», «Ля кургана», Маскоўскага рынка…Людзі падыходзяць і кажуць: «Толькі за вас! Анатольевіч, дзе падпісацца?»
А вось на нашу просьбу расказаць анекдот пра кіраўніка дзяржавы, гумарыст доўга «выкручваўся», але так і не адважыўся пасмяяцца з прэзідэнта:
Цяпер чытаюць
Фоты з Масквы даюць пабачыць Пуціна і Лукашэнку без грыму8
Каментары