«У Беларусі самая сур’ёзная ўвага надаецца тэме процідзеяння ядзернаму тэрарызму», — заявіў 28 верасня ўНью-Ёрку міністр замежных спраў Беларусі Уладзімір Макей падчас сустрэчы высокага ўзроўню па процідзеянні ядзернаму тэрарызму. Яна праводзілася ў рамках67-й сесіі Генеральнай асамблеі ААН.
Як паведаміла
28 верасня пад старшынствам кіраўніка беларускага знешнепалітычнага ведамства прайшла міністэрская сустрэча групы сяброў, якія аб’ядналіся ў барацьбе з гандлем людзьмі.Міждзяржаўная група, каардынатарам якой з’яўляецца Беларусь, уключае 22 дзяржавы, якія прадстаўляюць усе рэгіёны свету. Выступаючы перад удзельнікамі сустрэчы, Макей падкрэсліў, што «эфектыўная барацьба з гандлем людзьмі патрабуе комплекснага падыходу і паляпшэння каардынацыі дзеянняў усіх партнёраў». Ён заклікаў удзельнікаў сустрэчы да аб’яднання намаганняў і рэсурсаў для ліквідацыі гандлю людзьмі, у тым ліку ў кантэксце падрыхтоўкі агляду выканання глабальнага плана дзеянняў ААН па барацьбе з гандлем людзьмі.
У ходзе сустрэчы па ініцыятыве беларускага боку была прынятая дэкларацыя «Аб глабальных намаганнях па барацьбе з гандлем людзьмі», у якой акрэслены далейшыя сумесныя крокі групы сяброў і міжнародных арганізацый у гэтым кірунку.
У гэты ж дзень Уладзімір Макей правёў сустрэчу са старшынёй Генеральнай асамблеі ААН Вукам Ярэмічам. У ходзе гутаркі ён адзначыў, што Беларусь нацэлена на канструктыўнае супрацоўніцтва з усімі партнёрамі па рэалізацыі рашэнняў выніковага дакумента канферэнцыі ААН па ўстойлівым развіцці «Будучыня, якую мы хочам». Ярэміч выказаў упэўненасць, што прыярытэты Беларусі ў такіх найважнейшых сферах, як распрацоўка мэтаў устойлівага развіцця, супрацоўніцтва ў галіне энергетыкі і перадача энергатэхналогій маючым патрэбу краінам знойдуць шырокую падтрымку сярод дзяржаў — членаў ААН.
Таксама 28 верасня міністр замежных спраў Беларусі правёў двухбаковыя сустрэчы са сваімі калегамі з Арменіі, Нікарагуа, Славакіі, Сірыі, Туркменістана і Турцыі.
У Мінску адбыліся масавыя затрыманні выдаўцоў і кнігараспаўсюднікаў33
Каментары