Таццяну Грачанікаву рыхтуюць да чацвёртай аперацыі.
Пра гэта паведаміў яе муж Юрась Навіцкі праз Фэйсбук.
Шчымлівая гісторыя пра Таццяну — вядомую таксама пад творчым псеўданімам Тася Таполя — абляцела Беларусь пасля Плошчы 2010 года.
У жанчыны была прызначаны аперацыя па выдаленні дабраякаснай пухліны. Але яе збілі й затрымалі на Плошчы 19 снежня 2010 года — людзі пратэставалі там супраць фальсіфікацыі выбараў і ўзурпацыі ўлады ў Беларусі. У выніку яна прапусціла аперацыю, а за час, пакуль яна дамовілася на аперацыю наноў, хвароба перарасла ў злаякасную, пайшлі метастазы.
«Не першы раз збівалі Тасю, — з горыччу расказвае муж.
— У Дзень Волі
2006-га гэткі ж адмарозак нанёс Тасі ўдар проста ў твар, рассекшы вусны. Віна яе
19-га складаецца толькі з аховы шкляных дзвярэй левага ганку Дому ўрада ад правакатараў і захавання фота й відэа, што абвяргаюць хлусьню дзяржаўных тэлеканалаў, якія клапатліва раскладалі на месцы гвалтоўнага разгону мірнай акцыі сякеры, каністры і кактэйлі Молатава».
Каментары