Dagens Nyheter: Святлана Алексіевіч — моцны кандыдат на наступнага Нобеля
Беларуская пісьменніца Святлана Алексіевіч мае ўсе шанцы атрымаць літаратурнага Нобеля ў 2013 годзе.
Паводле адной з крыніц, набліжанай да журы, якое ўручае Нобелеўскую прэмію па літаратуры, моцным кандыдатам на атрыманне прэміі ў наступным годзе ёсць беларуская пісьменніца Святлана Алексіевіч. Пра гэта паведамляе папулярная шведская газета Dagens Nyheter.
За некалькі гадзін да абвяшчэння імені лаўрэата Нобеля па літаратуры шведская газета апытала 11 вядомых пісьменнікаў і дзеячаў культуры, піша «Народная воля».
Адзін з апытаных, які прызнаўся, што ўжо ведае імя нобелеўскага лаўрэата, заявіў, што моцным кандыдатам на атрыманне Нобелеўскай прэміі ў наступным годзе мае стаць беларуская пісьменніца Святлана Алексіевіч.
«Яе называюць сучасным Дантэ. У сваіх дакументальных кнігах яна апісвае бесчалавечнае пекла Савецкага Саюза і постсавецкай Расіі»,— рэзюмуе выданне.
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары