Новымі скандаламі абрастае конкурс “Эўрабачаньня”.
Новымі скандаламі абрастае конкурс “Эўрабачаньня”, дакладней, беларускі ўдзел у ім. Як паведамляе інтэрнэт-сэрвіс news.mail.ru, пасьля першай рэпэтыцыі Дзьмітрыя Калдуна пра нешта паспрачаліся сябар і прадзюсэр сьпевака Філіп Кіркораў і кіраўнік беларускай дэлегацыі Юры Азаронак. І Кіркораў, ня доўга думаючы, даў ёмкую поўху намесьніку старшыні БТ. Азаронак узначальвае беларускую дэлегацыю на эўрапейскім поп-конкурсе.
Нібыта справа была ў артысьце з кіркораўскай падтанцоўкі — яна абслугоўвае Калдуна. Танцор прыхварэў, і прадзюсэр хацеў адправіць яго ў больніцу. А Азаронак ня даў сваёй машыны — з дэлегацыі ён адзін мае ў распараджэньні колы.
Мінулае выкарыстаньне расейскіх грошай для забесьпячэньня беларускага ўдзелу ў “Эўрабачаньні” (Ліка Агурбаш) прывяло да правалу. Сам Кіркораў у свой час таксама выступіў на “Эўрабачаньні” бяз посьпеху.
Калісьці Азаронак ужо зарабіў адну смачную аплявуху — ад Міколы Статкевіча, які ўрэзаў рэжысёру за фільм “Дзеці хлусьні”, у якім той таптаўся па беларускім нацыянальным руху, гістарычным сьцягу й гербе.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары