У Гомелі адбыўся шахматны матч Прадпрымальнікі — Падаткавікі
У Гомелі прайшла матчавая сустрэча па шахматах каманд прадпрымальнікаў і падатковых інспектараў.
У Гомелі прайшла матчавая сустрэча па шахматах каманд прадпрымальнікаў і падатковых інспектараў. Ініцыятыва правядзення спартыўнага спаборніцтва належыла прадпрымальнікам, членам грамадскага аб’яднання «Адзінства». Спецыялісты ІМПЗ па Гомельскай вобласці прынялі выклік. Турнір праходзіў на сямі дошках. Як паведаміла БелаПАН выканаўчы дырэктар ГА «Адзінства» Іна Кустава, такія спаборніцтвы праводзіліся ў Гомелі ўпершыню.
Сярод мэтаў правядзення падобных сустрэч І.Кустава лічыць цесныя зносіны паміж прадпрымальнікамі і падатковымі работнікамі: «Гульня, як і гумар, і смех згладжвае паміж людзьмі ўсялякія бар’еры і непаразуменні. Не сакрэт, што існуе пэўны антаганізм: падатковыя органы — падаткаплатнікі. Першыя лічаць, што падаткаплатнікі штосьці ўтойваюць. Другія ж упэўнены, што падатковыя органы — кара боская, прыйдуць да прадпрымальнікаў і абяруць да ніткі. Гульня ў шахматы заклікана пераадолець усялякія бар’еры і стэрэатыпы».
Як варыянты арэны для спартыўнай сустрэчы разглядаліся баксёрскі рынг, ангар для пейнтбола, більярдны стол або дарожка ў боўлінгу. Шахматы, як самы інтэлектуальны від спорту, былі выбраны з узаемнай згоды бакоў. І.Кустава не выключае, што за шахматнай дошкай маглі сустрэцца тыя, «хто доўга вядзе баі ў кабінетах, адстойваючы свае інтарэсы».
Паводле слоў выканаўчага дырэктара ГА «Адзінства», прадпрымальнікі высока ацэньваюць узровень падрыхтоўкі падатковых інспектараў: «Каманда гомельскіх падатковых інспектараў неаднаразова станавілася прызёрам розных унутраных спаборніцтваў. Больш таго — начальнік інспекцыі МПЗ па Гомельскай вобласці Галіна Пашэд па‑сяброўску папярэдзіла нас, што шанцаў перамагчы падатковых інспектараў практычна няма».
Гульня закончылася ўнічыю. Інспектары падатковай службы і прадпрымальнікі раздзялілі торт у выглядзе шахматнай дошкі — прыз пераможцу.
Польшча прызнала Аляксандра Машэнскага непажаданай асобай27
Каментары